សុខភាពថ្ងៃនេះ: វីតាមីន

Showing posts with label វីតាមីន. Show all posts

Saturday, January 12, 2013

ប្រេងត្រីចំពោះមនុស្សចាស់

Saturday, January 12, 2013 ចំណីអាហារ, មនុស្សចាស់, វីតាមីន

ក្នុង1g ជាតិខ្លាញ់ផ្គត់ផ្គង់៩Kcal ប្រៀបនឹងជាតិម្សៅ ស្ករ ប្រូតេអ៊ីនមានតែ៤ kcal ក្នុង១ក្រាម ។ ក្រៅពីតួនាទីបង្កើតជាថាមពលជាតិខ្លាញ់នៅមានប្រសិទ្ធភាពយ៉ាងច្រើន ចំពោះសុខភាព ។

ជាតិខ្លាញ់ក្នុងសរីរាង្គផ្តើមចេញពី២ ប្រភព : បង្កើតដោយសរីរាង្គខ្លួនឯង និងពីអាហារទទួលទាន ។ អំពីសមាសធាតុ ៨៥% បរិមាណកូឡេស្តេរ៉ូលកើតចេញដោយខលួនឯងក្នុងដំណើរការបំប្លែង នេះជាប្រភេទជាតិខ្លាញ់ងាយបង្កគ្រោះថ្នាក់ឲ្យសុខភាព ពិសេសគឺមនុស្សចាស់ ១៥% ជាក្រុមអាស៊ីតខ្លាញ់មិនឆ្អែតដូចជា Omega3 , 6, 9... ត្រូវបានស្រូបយកពីប្រភពអាហារទទួលទានរាល់ថ្ងៃ ។

-"សម្បូរ"ប្រសិទ្ធភាព

Omega-3 និងពពួកអាស៊ីតខ្លាញ់មិនឆ្អែតផ្សេងៗមានច្រើនៅក្នុងពពួកត្រី និងប្រេងរុក្ខជាតិ ។ ដូច្នេះ អាហារមានត្រីជាប្រចាំ ប្រើប្រេងរុក្ខជាតិជំនួសខ្លាញ់សត្វ និងផ្គត់ផ្គង់បានប្រភពជាតិខ្លាញ់នេះឲ្យសរីរាង្គ ។ ក្រៅពីនេះ អ្នកក៏អាចយកជាតិខ្លាញ់មិនឆ្អែតនេះពីថ្នាំបាញ់ត្រី ។ វាមានប្រសិទ្ធភាពល្អៗជាច្រើន ៖

-អំពីប្រព័ន្ធសរសៃប្រាសាទបេះដូង

ប្រេងត្រីជាឱសថមួយក្នុងចំណោមឱសថដ៏ មានប្រសិទ្ធភាពជួយបញ្ចុះ triglyceride ប្រភេទខ្លាញ់អាក្រក់ក្នុងឈាម បង្កើនកម្រិតខ្លាញ់ល្អ (HDL កូឡេស្តេរ៉ូល) ជួយទប់ស្កាត់ការវិវត្តន៍ប្រែប្រួលរបស់សរសៃឈាមបេះដូងដូចជាគាំងបេះដូង ស្ត្រូក និងស្លាប់ប្រថុចញ៉ុច ។

ប្រេងត្រីនៅមានប្រសិទ្ធភាពលើ អ្នកជំងឺលើសឈាម ពិសេសគឺសម្ពាធឈាមខាងក្រោម ។ ការស្រាវជ្រាវបង្ហាញថា របបទទួលទានត្រីជាប្រចាំ និងបំពេញគ្រប់គ្រាន់ DHA អាចបន្ថយបា៣-៥ mmhg ។

ប្រេងត្រីនៅជួយធ្វើឲ្យរលាយដុំកំណកឈាម និងទប់ស្កាត់ដំណើរការកកើតដុំឈាមសរសៃអាទែរ ជួយបញ្ចៀសការស្ទះសរសៃឈាម ។

-អំពីប្រព័ន្ធសរសៃប្រសាទ : បង្កើន ការចងចាំ បន្ថយគ្រោះថ្នាក់ថមថយសតិបញ្ញានៅមនុស្សចាស់ ។ ក្រោពីនេះ ការស្រាវជ្រាវមួយចំនួនក៏បញ្ជាក់បានថា Omega-3 មានប្រសិទ្ធភាពក្នុងការគួបផ្សំព្យាបាលជំងឺផ្លូវចិត្ត ។

-អំពីជំងឺមហារីក : ពីឆ្នាំ២០០៦មកទល់សព្វថ្ងៃបានមានភស្តុតាំងមួយចំនួនបង្ហាញពី ផលប្រយោជន៍របស់ប្រេងត្រីចំពោះការទប់ស្កាត់ការរីកចម្រើនរបស់កោសិកា មហារីក ។ ពិសេសគឺមហារីកដោះ មហារីកពោះវៀតធំ និងមហារីកក្រពេញប្រូស្តាត ជាប្រភេទមហារីកច្រើនជួបប្រទះនៅមនុស្សមជ្ឈិមវ័យ និងមនុស្សចាស់ ។

-ប្រឆាំងរលាកឆ្លងមេរោគ : អាស្រ័យដោយប្រសិទ្ធភាពនេះ បច្ចុប្បន្នប្រេងត្រីក៏ត្រូវបានប្រើប្រាស់គួបផ្សំក្នុងការព្យាបាល ជំងឺសន្លាក់ រលាកសន្លាក់សណ្ឋានទាប...

ក្រៅពីនេះប្រេងត្រីនៅមានសារៈប្រយោជន៍លើស្បែក និងភ្នែក ។

-មិនប្រើច្រើនហួស

ប្រើប្រាស់ប្រេងត្រីមិនត្រឹមត្រូវក៏នាំមកនូវឥទ្ធិពលបន្ទាប់បន្សំមួយចំនួន ។

ប្រេងត្រីប្រជុំទៅដោយពពួកវីតាមីន រលាយក្នុងប្រេងដូចជា A , D, E , K ។ ដូច្នេះត្រូវប្រើប្រាស់ទៅតាមការណែនាំរបស់វេជ្ជបណ្ឌិត ។ បរិមាណធម្មតាពី១ក្រាម ដល់មិនលើស៣ក្រាម ក្នុងមួយថ្ងៃ ។ មុខសញ្ញាមួយចំនួនគួរយកចិត្តទុកដាក់មិនប្រើប្រាស់ដោយខ្លួនឯងគឺ :

-អ្នកកំពុងមានជំងឺអំពីឈាម ព្រោះប្រេងត្រីធ្វើឲ្យកើនគ្រោះថ្នាក់ហូរឈាម ។

-អ្នកកើនកូឡេស្តេរ៉ូលឈាម អាចធ្វើឲ្យកើនស្រាលបរិមាណកូឡេស្តេរ៉ូលអាក្រក់ពេលប្រើប្រាស់ប្រេងត្រី ។

ក្រៅពីនេះ ប្រេងត្រីមួយចំនួនក៏អាចបង្កជាភាពច្របូកច្របល់រំលាយអាហារដូចជាចង់ ក្អួត រាករូសស្រាល ។ ដូច្នេះ ដើម្បីសុវត្ថិភាពជាក់ស្តែង និងពេញលេញ ៕

(ប្រភព៖KSN-NEWS)

អានលម្អិត

Friday, December 14, 2012

វីតាមីន B9: អ្វីដែលស្ត្រីគួរយកចិត្តទុកដាក់់សម្រាប់ផ្ទៃពោះ

Friday, December 14, 2012 វីតាមីន, ឳសថ

វីតាមីន B9 អាចកាត់បន្ថយការមានកូន កើតជំងឺឆ្អឹងខ្នង ឬការខូចបំពង់សរសៃប្រសាទផ្សេងៗទៀត។ នៅពេលអាស៊ីតហ្វូលិកចូលទៅក្នុងខ្លួន វាត្រូវបំលែងទៅជា Folate។

មនុស្សស្រីកំពុងតែមានគម្រោងចង់បានកូនត្រូវតែទទួលទានវីតាមីន B9 នេះយ៉ាងហោចណាស់ក៏មួយខែមុនមានផ្ទៃពោះដែរ ហើយពេលមានផ្ទៃពោះចូរទទួលទានអោយបាន ៣ខែដំបូង។

របៀបទទួលបានវីតាមីន Folate ច្រើន

មធ្យោបាយដ៏មានប្រសិទ្ធភាព និងងាយស្រួលបំផុតគឺទទួលទានគ្រាប់វីតាមីនអាស៊ីតហ្វូលិកដែលមានចំនុះរបស់វា ០,៥មីលីក្រាម ជារៀងរាល់ថ្ងៃ។

•    វីតាមីនអាស៊ីតហ្វូលិកមានសុវត្ថិភាពណាស់

•    ថ្នាំគ្រាប់អាស៊ីតហ្វូលិកអាចរកទិញបាននៅតាមហាងលក់ថ្នាំ និងផ្សារទំនើប

•    មិនចាំបាច់មានវេជ្ជបញ្ជាក៏អាចទិញបាន ហើយមានតម្លៃថោក

•    ថ្នាំគ្រាប់វីតាមីនចំរុះមិនមានវីតាមីនអាស៊ីតហ្វូលិកច្រើនទេ

ស្ត្រីមួយចំនួនត្រូវការវីតាមីនអាស៊ីតហ្វូលិកច្រើនជាងធម្មតាប្រសិនបើពួកគេ៖

•    ធ្លាប់មានកូនកើតមកខូចបំពង់សរសៃប្រសាទ

•    សាច់ញាតិម្នាក់ដែលមានជំងឺខូចបំពង់សរសៃប្រសាទ

•    ពកឆ្អឹងខ្នង

•    កំពុងតែប្រើថ្នាំមួយចំនួន

ចូរទៅពិគ្រោះជាមួយគ្រូពេទ្យដើម្បីទទួលបាននូវដំបូន្មានក្នុងការប្រើប្រាស់៕

អានលម្អិត

វីតាមីន B12 និងការទាក់ទងសុខភាព

Friday, December 14, 2012 ចំណីអាហារ, វីតាមីន

វីតាមីន B12 គឺជាវីតាមីនដែលរលាយនៅក្នុងទឹក។ ក្រោយពីរាង្គកាយរបស់យើងប្រើប្រាស់វីតាមីននេះរួច កាកសំណល់ និងអ្វីដែលនៅសល់ត្រូវបានបញ្ចេញចោលទៅតាមទឹកនោម។

មុខងារ ៖

វីតាមីន B12 ក៏ដូចជាវីតាមី B ដទៃៗទៀតដែរ គឺមានសារៈសំខាន់ក្នុងការបំបែកសារធាតុដែលទទួលទានរួច (Metabolism)។ វាជួយដល់ការបង្កើតកោសិការគ្រាប់ឈាមក្រហម និងជួយជួសជុលប្រព័ន្ធសរសៃប្រសាទកណ្តាល។

ប្រភពអាហារ

វីតាមីន B12 ត្រូវបានរកឃើញនៅក្នុង

•         ស៊ុត

•         ទឹកសណ្តែក

•         សាច់

•         ទឹកដោះគោ និងផលិផលដែលធ្វើអំពីទឹកដោះគោ

•         សាច់សរីរាង្គ (ថ្លើម និងតម្រងនោម)

•         សាច់បក្សី

•         ពពួកអំបូរសត្វខ្យង

រាង្គកាយរបស់យើងស្រូបយកវីតាមីន B12 ពីអាហារសាច់សត្វបានច្រើន និងល្អជាងអាហាររុក្ខជាតិ។ ប្រភពអាហារដែលមិនមែនជាសាច់សត្វមានវត្តមានវីតាមីន B12 មិនទៀងទាត់ទេ។ វាមិនត្រូវបានគិតថា ធនធានដែលអាចជឿទុកចិត្តបានចំពោះវីតាមីននោះទេ។

ផលរំខាន

•         មនុស្សជាច្រើនដែលមានអាយុលើសពី ៥០ឆ្នាំ បាត់បង់នូវលទ្ធភាពបឺតស្រូបវីតាមីន B12ពីចំណីអាហារហើយ។

•         មនុស្សដែលទទួលទានអាហារបួស ហើយមិនព្រមញ៉ាំស៊ុត ឬផលិតផលធ្វើពីទឹកដោះគោទៀត ពួកគេប្រហែលជាត្រូវការអាហារបំប៉នជា វីតាមីន B12 បន្ថែមហើយ។

•         មនុស្សដែលមានបញ្ហាលើការរំលាយអាហារដូចជាជំងឺ Celiac Disease ឬ Crohn’s Diseaseប្រហែលជាមិនអាចស្រូបយកវីតាមីន B12 បានគ្រប់គ្រាន់ទេ។

កម្រិតវីតាមីន B12 ទាបអាចបង្កជា៖

•         ស្លេកស្លាំង

•         បាត់បង់តុល្យភាព

•         ស្ពឹកៗ ឬឈឺឆៀបៗនៅដៃ និងជើង

•         អស់កម្លាំង

ការណែនាំ

មធ្យោបាយដ៏ល្អបំផុតដើម្បីទទួលបានវីតាមីន B12 ទៅតាមតម្រូវការ គឺត្រូវទទួលទានអាហារជាសាច់សត្វគ្រប់ប្រភេទ។

សម្រាប់មនុស្សដែលមិនទទួលទានសាច់សត្វ វីតាមីន B12 អាចរកបាននៅក្នុង៖

•         វីតាមីនចម្រុះភាគច្រើន៖ វីតាមីន B12 ត្រូវបានបឺតស្រូបយ៉ាងល្អនៅពេលដែលប្រើជាមួយវីតាមីនB ដទៃទៀតដូចជា វីតាមីន B3 B2 B6 និងពពួកម៉ាញេស្យូម។

•         ទម្រង់មួយរបស់វីតាមីន B12 អាចអោយជាការចាក់បាន

•         ទម្រង់វេជ្ជបញ្ជាមួយផ្សេងទៀតនៃវីតាមីន B12 គឺជាប្រភេទជេលលាបតាមច្រមុះ។

•         វីតាមីន B12 ក៏អាចប្រើជាទម្រង់មួយដែលរលាយនៅក្រោមអណ្តាតដែរ ប៉ុន្តែថ្នាំគ្រាប់វីតាមីនចម្រុះក៏មានប្រសិទ្ធភាពល្អដែរ។

បរិមាណវីតាមីនដែលអ្នកត្រូវការវាអាស្រ័យទៅលើអាយុ និងភេទរបស់អ្នក។ កត្តាផ្សេងៗទៀតដូចជា ការមានផ្ទៃពោះ និងជំងឺ ក៏ជារឿងសំខាន់ដែរ។ ស្ត្រីដែលមានផ្ទៃពោះ ឬបំប៉ៅដោះកូនត្រូវការចំនួនច្រើនជាង។ ចូរសុំយោបល់ពីអ្នកផ្តល់សេវាសុខភាពរបស់អ្នកលើចំនួនដែលល្អបំផុតសម្រាប់អ្នក។

តម្លៃធម្មតាលើការទទួលទានរបបអាហារសម្រាប់វីតាមីន B12

ទារក (ការទទួលទានដែលគ្រប់គ្រាន់)

•         ០-៦ខែ៖ ០,៤មីក្រូក្រាមក្នុងមួយថ្ងៃ (0,4mcg/day)

•         ៧-១២ខែ៖ ០,៥មីក្រូក្រាមក្នុងមួយថ្ងៃ (0,5mcg/day)

កូនក្មេង

•         ១-៣ឆ្នាំ៖ ០,៩មីក្រូក្រាមក្នុងមួយថ្ងៃ (0,9mcg/day)

•         ៤-៨ឆ្នាំ៖ ១,២មីក្រូក្រាមក្នុងមួយថ្ងៃ (1,2mcg/day)

•         ៩-១៣ឆ្នាំ៖ ១,៨មីក្រូក្រាមក្នុងមួយថ្ងៃ (1,8mcg/day)

មនុស្សវ័យជំទង់

•         បុរស និងស្ត្រីដែលមានអាយុចាប់ពី ១៤ឆ្នាំឡើងទៅ៖ ២,៤មីក្រូក្រាមក្នុងមួយថ្ងៃ (2,4mcg/day)៕

អានលម្អិត

ផលរំខាន នៃការប្រើប្រាស់ថ្នាំគ្រាប់ ម៉ុលទីវីតាមីន (Multivitamin )

Friday, December 14, 2012 វីតាមីន, ឳសថ

ចំពោះវប្បធម៌នាពេលបច្ចុប្បន្ននេះ ដែលតម្រូវអោយអ្នកធ្វើការ ២៤ម៉ោង បានធ្វើអោយ របបអាហារដែលអ្នក បានទទួលទាន គឺពិតជាមានឥទ្ធិពលដ៏ អាក្រក់ចំពោះសុខភាពអ្នក។
វិធីសាស្ត្រតែមួយគត់ សម្រាប់របបអាហារប្រចាំថ្ងៃនោះគឺថា អ្នកត្រូវទទួលទាន និង ចំអិនអាហារ ដែលនឹងមិនចំណាយពេលយូរ ហេតុដូចនេះហើយ ទើបបានជា អាហារដែល បានចំអិនដាក់លក់រួចជាស្រេច និង ថ្នាំគ្រាប់ម៉ុលទីវីតាមីន ហាក់នឹងមានភាពពេញនិយម ចំពោះមនុស្សនាសម័យនេះ។ បញ្ហានឹងចាប់កើតមាន នៅពេលដែល ភាគច្រើននៃយើងទាំងអស់គ្នា មិនបានដឹងពីកម្រិតនៃថ្នាំម៉ុលទីវីតាមីនដែលអ្នកគួរប្រើ នៅក្នុងរយៈ ពេលមួយថ្ងៃ។ ថ្នាំគ្រាប់ម៉ុលទីវីតាមីន ត្រូវបានប្រើសម្រាប់អ្នកដែលខ្វះ នូវសារជាតិទាំងនេះ ហើយការលេបវា ដោយមិនបានគិតពីបរិមាណត្រឹមត្រូវ នោះវានឹងធ្វើអោយអ្នក មានជំងឺធ្ងន់ធ្ងរ។ ផលរំខាននៃថ្នាំគ្រាប់ប្រភេទនេះ គឺពិតជាមាន ភាពគ្រោះថ្នាក់ណាស់។
ទាំងនេះគឺជា ផលរំខាននៃថ្នាំគ្រាប់ម៉ុលទីវីតាមីន ដែលតែងតែកើតមាន ៖

១. មានជំងឺរាគ
      បញ្ហាមួយ ក្នុងចំណោមផលរំខាននៃថ្នាំគ្រាប់ម៉ុលទីវីតាមីន ដែលតែងតែ កើតមាននោះគឺ ការរាគ។ នោះគឺ ដោយសារតែ កម្រិតខ្ពស់នៃជាតិម៉ាញ៉េស្យូម ដែលធ្វើអោយប្រព័ន្ធពោះវៀនរបស់អ្នកមានដំណើរការមិនល្អ។ ជំងឺរាគដែលកើតមាន ដោយសារការទទួល ថ្នាំគ្រាប់ម៉ុលទីក្នុងកម្រិតច្រើនជ្រុល នឹងបណ្តាលអោយមានអន្តរកម្ម ជាអវិជ្ជមាន ចំពោះសារជាតិបំប៉នដទៃទៀត ហើយវាក៏អាចនាំអោយមានបញ្ហាសុខភាពដទៃទៀតដូចជា៖ ចុះខ្សោយ, មិនសូវមានប្រព័ន្ធការពារនឹងមេរោគ និង កាត់បន្ថយដល់ការរំលាយអាហារ។ ហើយការបាត់បង់ជាតិ ទឹក ដោយសារការរាគ គឺជាផលប៉ះពាល់ដ៏ចំបងមួយ ចំពោះសុខភាព។

២. មានជំងឺគ្រួសក្នុងតម្រងនោម
       មូលហេតុជាទូទៅ ដែលបណ្តាលអោយអ្នក មានជំងឺគ្រួសក្នុងតម្រងនោមនោះគឺ ដោយសារតែកម្រិតកំហាប់ ខ្ពស់ នៃជាតិកាល់ស្យូម។ ដូច្នេះ ផលរំខានមួយនៃថ្នាំគ្រាប់ម៉ុលទីវីតាមីននេះគឺ វាមានផ្ទុកកំហាប់នៃជាតិកាល់ស្យូម ដ៏ខ្ពស់ ដែលវានឹងបណ្តាលអោយអ្នកមានជំងឺគ្រួសក្នុងតម្រងនោម រួមជាមួយផងដែរនូវបញ្ហាផ្សេងៗដទៃទៀតមាន ដូចជា៖ ការទល់លាមក, ឈឺចាប់ក្នុងពោះ និង ក្នុងករណីខ្លះទៀត គឺធ្វើអោយបេះដូងអ្នកចុះខ្សោយ។

៣. ធ្វើអោយមានបញ្ហាបេះដូង
       ការមានផ្ទុកនូវកំហាប់ដ៏ខ្ពស់នៃជាតិស័ង្កសី គឺនាំអោយមានការបង្អាក់ដល់ ចង្វាក់បេះដូង ដែលជាលទ្ធផលគឺ វាធ្វើអោយបេះដូងចុះខ្សោយ។ ការខ្សោយបេះដូងក្នុង រយៈពេលយូរនេះ អាចនឹងធ្វើអោយអ្នកមានជំងឺគាំងបេះដូង ។ ផលរំខានផ្សេងទៀត ដែលកើតមានដោយសារតែកំហាប់សារជាតិស័ង្កសីខ្ពស់នេះ មានដូចជាមានស្នាមប្រលាក់ ជាប់ធ្មេញ, មានជាតិឧស្ម័ន, មានបញ្ហានៅក្នុងទឹកនោម និង មានភាពអន់ថយចំពោះសាច់ដុំ ។

ផលរំខានផ្សេងទៀត ដែលមានបណ្តាលមកពីថ្នាំគ្រាប់ម៉ុលទីវីតាមីន

១. ដោយយោងតាម ការសិក្សាស្រាវជ្រាវមួយចំនួន កម្រិតកំហាប់ខ្ពស់នៃសារជាតិវីតាមីន A , E និង សារជាតិបេតាការ៉ូតែន (beta- carotene) គឺហាក់នឹងធ្វើអោយអាយុកាលរបស់ មនុស្សមានរយៈពេលខ្លី។ សារជាតិនៃកំហាប់វីតាមីន A ខ្ពស់ ក៏បានធ្វើអោយមានការបំផ្លាញដល់រ៉េទីនភ្នែក ដែលមានភាពគ្រោះថ្នាក់បំផុត ចំពោះស្ត្រី។ វាក៏អាចបង្អាក់ដល់ ដំណើរការពរពោះរបស់ មនុស្សស្រីបានផងដែរ។

២. ថ្នាំគ្រាប់ម៉ុលទីវីតាមីន ក៏អាចមានប្រតិកម្មជាមួយនឹង ថ្នាំគ្រាប់ផ្សេងទៀតបានផងដែរ។ ការមានប្រតិកម្មនេះ អាចធ្វើអោយ មានប្រតិកម្មអាលែហ្សី និង ផ្តល់ផលមិនល្អចំពោះសុខភាព។

៣. ការមានផ្ទុកកំហាប់សារជាតិ កាល់ស្យូម និង ជាតិដែកខ្ពស់ គឺអាចបង្អាក់ដល់ សម្ថភាពរាងកាយ ក្នុងការបឺត ស្រូបយកសារជាតិបំប៉នផ្សេងៗទៀត។

៤. ការលើសកម្រិតនៃសារជាតិវីតាមីន C ត្រូវបានគេអះអាងថា វាធ្វើអោយតម្រងនោមអ្នក ចុះខ្សោយ និង មានការ បាត់បង់ជាតិទឹក។

៥. ផលរំខានបន្តិចបន្តួចផ្សេងៗទៀត មានដូចជា៖ ជ្រុះសក់, សាច់ដុំចុះខ្សោយ,មានការហូរឈាមផ្នែកខាងក្នុង,របកស្បែក និង មិនសូវឃ្លានអាហារ។
ថ្នាំគ្រាប់ម៉ុលទីវីតាមីន គឺបានផ្តល់អត្ថប្រយោជន៍ដល់ មនុស្សទាំងឡាយណា ដែលត្រូវការវា ដូច្នេះហើយ អ្នកគួរតែ ទទួលទានវា ទៅតាមការណែនាំរបស់គ្រូពេទ្យ។ ជាទូទៅវាត្រូវបានគេ អនុញ្ញាតអោយទទួលទាន ក្នុងរយៈពេល កំណត់ជាក់លាក់ណាមួយ ។ ដូចនេះ នៅថ្ងៃក្រោយ មុនពេលអ្នកសម្រេចចិត្តទទួលទានវា នោះអ្នកត្រូវចង ចាំពី ផលរំខាន ដែលអ្នកនឹងអាចជួបវា នាថ្ងៃអនាគត៕

អានលម្អិត

វីតាមីន c: ការខ្វះខាតបណ្តាលអោយមានបញ្ហាអ្វី?

Friday, December 14, 2012 បន្លែផ្លែឈើ, វីតាមីន

វីតាមីន C គឺជាវីតាមីន ដែលរលាយក្នុងទឹក ចាំបាច់សំរាប់ការធំធាត់ និង ការលូតលាស់។វីតាមីនប្រភេទនេះ គឺរលាយក្នុងទឹក។ ចំនួនសេសសល់ នៃវីតាមីន គឺត្រូវបញ្ចេញតាម ទឹកនោម នេះមានន័យថា យើងត្រូវការ ការផ្គត់ផ្គង់វីតាមីន បែបនេះជាប្រចាំនោះក្នុង របបអាហាររបស់យើង។

ឈ្មោះដទៃទៀតៈ
អាស្កូប៊ិក អាស៊ីត និង ដេអ៊ីដ្រូអាស្កូប៊ិក អាស៊ីត។

មុខងារ ៖

វីតាមីន c ចាំបាច់សំរាប់ការធំធាត់ និង ជួសជុល ជាលិកានៅគ្រប់ផ្នែកនៃរាងកាយ។ វាត្រូវបាន

ប្រើប្រាស់សំរាប់៖

·         បង្កើតប្រូតេអ៊ីនសំខាន់ម្យ៉ាង ដែលបង្កើតស្បែក សសៃពួរ សសៃចង និងសសៃឈាម

·         ធ្វើអោយរបួសសះស្បើយ និងបង្កើតជាលិកាសម្លាក

·         ជួសជុល និងថែរក្សា ឆ្អឹងខ្ចី ឆ្អឹង និង ធ្មេញ

វីតាមីន c គឺជាអង់ទីអុកស៊ីដង់មួយ ក្នុងចំណោមអង់ទីអុកស៊ីដង់ដទៃទៀត។ អង់ទីអុកស៊ីដង់ គឺជាសារធាតុចិញ្ចឹម ដែលរារាំងការបំផ្លាញដែលបណ្តាលមកពី រ៉ាឌីកាល់សេរី។

·         រ៉ាឌីកាល់សេរី ត្រូវបានបង្កើតឡើងនៅពេលដែលរាងការបំបែកអាហារ រឺនៅ ពេលដែល អ្នកប៉ះផ្សែងបារី និងកាំរស្មី។

·         ការបង្កើនរ៉ាឌីកាល់សេរី គឺទទួលខុសត្រូវធ្វើឲ្យមានដំណើរការ នៃភាពចាស់។

·         រ៉ាឌីកាល់សេរី អាចដើរតួនាទីក្នុង ជំងឺមហារីក ជំងឺបេះដូង និងជំងឺដែលមាន ស្ថានភាពដូចជំងឺរលាកសន្លាក់។

រាងកាយរបស់យើង មិនអាចបង្កើតវីតាមី cដោយខ្លួនឯងបានទេ ហើយ ក៏មិនអាចស្តុក វីតាមីនc បានដែរ។ ដូច្នេះ ជាការចាំបាច់ណាស់ក្នុងការបញ្ចូលអាហារដែលផ្ទុកវីតាមីនc ឲ្យ បានគ្រប់គ្រាន់ ក្នុងរបបអាហារប្រចាំថ្ងៃរបស់អ្នក។

អស់រយៈពេលជាច្រើនឆ្នាំមកហើយ វីតាមីន c ជាថ្នាំដែលមានប្រជាប្រិយភាពសំរាប់ ព្យាបាល ជំងឺផ្តាសាយធម្មតា។

·         ការស្រាវជ្រាវ បង្ហាញថា សំរាប់មនុស្សជាច្រើនអ្នក ការផ្គត់ផ្គងវីតាមីន c រឺ អាហារដែលសំបូរវីតាមីន c មិនបានកាត់បន្ថយការប្រឈមមុខនឹង ជំងឺ ផ្តាសាយទេ។

·         ប៉ុនែ្ត អ្នកដែលលេបវីតាមីន c ជាប្រចាំ អាចមាន ជំងឺផ្តាសាយរយៈពេលខ្លីជាង មុន និងជួនកាលមានរោគសញ្ញាស្រាលជាងមុន។

·         ការលេបវីតាមីន c ពេលកំពុងមានជំងឺផ្តាសាយមិនបានជួយអ្វីទេ។

ប្រភពអាហារ

គ្រប់អាហារ និង បន្លែទាំងអស់ សុទ្ធតែផ្ទុកនូវវីតាមីន c។

អាហារដែល ជាប្រភពមានវីតាមីននេះច្រើនបំផុត រួមមាន៖

·         ត្រសក់ស្រូវ

·         ពពួកផ្លែក្រូច និង ទឹកក្រូចស្រស់

·         ផ្លែ ឃីវី

·         ស្វាយ

·         ល្ហុង

·         ម្នាស់

·         ផ្លែស្ដបូរី រ៉ាស់បូរី ប្ល៊ូបូរី និងខ្រែនបូរី

·         ឱឡឹក

បន្លែដែល ជាប្រភពមានវីតាមីននេះច្រើនបំផុត រួមមាន៖

·         ពពួកស្ពៃក្តោប ដូចជាស្ពៃក្តោប ស និងស្ពៃក្តោបខៀវ

·         ម្ទេសប្លោក ក្រហម និង ខៀវ

·         ដំឡូងបាំង ដំឡូងជ្វា

·         ប៉េងប៉ោះ និង ទឹកប៉េងប៉ោះ

អាហារធញ្ញជាតិ អាហារដទៃទៀត រួមទាំង ភេស្ជៈមួយចំនួន គឺពោរពេញដោយវីតាមីន c។

ពិនិត្យមើលផ្លាកផលិតផល ដើម្បីមើលបរិមាណវីតាមីន c។

ចំអិន អាហារដែលសំបូរវីតាមីន c រឺក៏ស្តុកវីតាមីន c រយៈពេលយូរ អាចកាត់បន្ថយ បរិមាណ

វីតាមីននេះ។ ការចំអិនដោយប្រើម៉ាយក្រូវ៉េវ និងចំហុយ អាចកាត់បន្ថយការបាត់បង់វីតាមីន cបានខ្លះ។ ប្រភពអាហារដែលសំបូរវីតាមីន cបំផុត គឺ បន្លែ រឺ ផ្លែឈើស្រស់ រឺមិនទាន់ចំអិន ។

ផលវិបាកធំបំផុត ពីការប្រើប្រាស់វីតាមីន cច្រើនពេក គឺកំរមានណាស់ ពីព្រោះរាងកាយមិន អាចស្តុកទុកវីតាមីន នេះបានទេ។ ប៉ុន្តែ ចំនួនវីតាមីន cដែលច្រើនជាង ២០០០ម.ក ក្នុងមួយ ថ្ងៃ ត្រូវបានណែនាំឲ្រជៀសវាង ពីព្រោះចំនួនដ៏ច្រើននេះអាចធ្វើឲ្យឈឺក្រពះ និង រាករុស។

កង្វះវីតាមីន cអាចធ្វើឲ្យមានសញ្ញា និង រោគសញ្ញាទន់ខ្សោយដូចខាងក្រោម៖

·         ជំងឺខ្វះគ្រាប់ឈាម

·         ចេញឈាមអញ្ចាញ

·         ថយចុះលទ្ធភាពក្នុងកាប្រយុទ្ធ នឹងមេរោគឆ្លង

·         ថយចុះអត្រាសះស្បើយពីរបួស

·         សក់ស្ងួត និងបែកចុង

·         ងាយរលាត់ស្បែក

·         រលាកអញ្ចាញ

·         ឈាមច្រមុះ

·         អាចឡើងទម្ងន់ ដោយសារការធ្វើមេតាប៉ូលីសយឺត

·         ស្បែកគគ្រើម ស្ងួត និងបែកស្រការ

·         ហើម និងឈឺសន្លាក់

·         កាចារធ្មេញមិនរឹងមាំ

.

ទំរង់ធ្ងន់ធ្ងរ នៃការខ្វះវីតាមីន cគឺ ត្រូវបានគេស្គាល់ថាជា ជំងឺម្យ៉ាងដែលមានការចេញឈាម នៅតាមអញ្ចាញធ្មេញ ភ្នាសកោសិកានិងចេញក្រហមៗ នៅលើស្បែក (scurvy) ដែលជំងឺនេះ ច្រើនកើតលើមនុស្សចាស់ និងមនុស្សពេញវ័យដែលខ្វះសារធាតុចិញ្ចឹម។

ដំបូន្មាន

ប្រពន្ធ័គណនាសារធាតុចិញ្ចឹម (RDA) សំរាប់វីតាមីន បង្ហាញពីចំនួនវីតាមីន ដែលមនុស្សភាគ ច្រើនត្រូវការជាប្រចាំថ្ងៃ។ ប្រពន្ធ័នេះ ត្រូវបានប្រើប្រាស់ជាគោលដៅកំណត់ សំរាប់មនុស្ស ម្នាក់ៗ។

ចំនួនវីតាមីន ដែលអ្នកត្រូការគឺផ្អែកលើអាយុ និងភេទរបស់អ្នក។ កត្តាផ្សេងៗទៀតដូចជា ការមានផ្ទៃពោះនិង ជំងឺ ក៏ជាកត្តាសំខាន់ដែរ។

វិធីដែលល្អបំផុតដើម្បីទទួលបាន វីតាមីន សំខាន់ៗ រួមទាំងវីតាមីន cផងនោះ គឺត្រូវមានរបបអាហារដែលប្រកបដោយតុល្យភាព ដែលជាអាហារប្រភេទផ្សេងៗពីគ្នា។

ប្រពន្ធ័គណនាសារធាតុចិញ្ចឹម វីតាមីនC

ទារក

·         ០ - ៦ = ៤០* ម.ក/ថ

·         ៧ - ១២= ៥០* ម.ក/ថ

*ចំនួនសមស្រប(AI)

កុមារ

·         ១ - ៣= ១៥ ម.ក/ថ

·         ៤ - ៨= ២៥ ម.ក/ថ

·         ៩ - ១៣=៤៥ ម.ក/ថ

ក្មេងជំទង់

·         ស្រី ១៤ - ១៨ឆ្នាំ= ៦៥ ម.ក/ថ

·         ប្រុស ១៤ - ១៨ឆ្នាំ= ៧៥ ម.ក/ថ

មនុស្សពេញវ័យ

·         បុរស ១៩ឆ្នាំ ឡើងទៅ=៩០ ម.ក/ថ

·         ស្ត្រី ១៩ឆ្នាំ ឡើងទៅ=៧៥ ម.ក/ថ

អ្នកជក់បារី រឺក៏អ្នកនៅក្បែរអ្នកជក់ គ្រប់វ័យ គួរតែបង្កើន ចំនួនវីតាមីន cជាប្រចាំថ្ងៃ របស់គេ រហូតដល់៣៥ ម.ក ។

ស្ត្រីដែលកំពុងមានផ្ទៃពោះ កំពុងបៅដោះកូន និង អ្នកដែលជក់បារី ត្រូវការចំនួន វីតាមីន c ច្រើនជាងមុន។ សាកសួរគ្រូពេទ្យរបស់អ្នកនូវចំនួនដែលសក្កិសមនឹងអ្នក៕

អានលម្អិត

តើខ្លួនប្រាណរបស់អ្នក ធ្វើការប្រើប្រាស់វីតាមីន A យ៉ាងដូចម្តេចខ្លះ?

Friday, December 14, 2012 បន្លែផ្លែឈើ, វីតាមីន

វីតាមីន A គឺពិតជាមានអត្ថប្រយោជន៍ នៅក្នុងរបបអាហារដែលធ្វើអោយ អ្នកមានសុខភាពល្អ។ វីតាមីនដែល មានសារៈសំខាន់ មានជាតិខ្លាញ់ និង អាចរលាយបាននេះ គឺជាប្រភេទវីតាមីនដំបូងគេ ដែលត្រូវបានគេដាក់ឈ្មោះ ជាផ្លូវការ ហេតុដូចនេះហើយទើបបានជាវា ត្រូវបានគេហៅថា វីតាមីន A។ ខ្លួនប្រាណរបស់អ្នក ត្រូវការ ការផ្គត់ ផ្គង់ជា ជាប់លាប់ នូវវីតាមីនប្រភេទនេះ ដើម្បីជួយរក្សាសុខភាពស្បែក, ការមើលឃើញអោយបានល្អប្រសើរ និង ការរីក ធំធាត់ចំពោះកុមារ។

    វីតាមីនA ត្រូវបានគេជឿថា វាគឺជាសារធាតុប្រឆាំងប្រតិកម្មអុកស៊ីត ចំពោះការ ការពារជំងឺមហារីក ហើយវាក៏ ធ្វើអោយប្រព័ន្ធភាពសុំា មានភាពសកម្មប្រសើរជាងមុន រួចវាក៏អាចជួយទប់ស្កាត់ ជំងឺផ្សេងៗដទៃទៀតផងដែរ។ បេតាការ៉ូតែន ( Beta-carotene) គឺមានម៉ូលេគុល វីតាមីនA ទ្វេគុណជាពីរ ហើយវា ត្រូវបានបំលែងជាវីតាមីន A វិញ នៅពេលដែលវា បានចូលទៅក្នុងខ្លួនរបស់មនុស្ស។ វាគឺជាសារធាតុដែលរលាយក្នុងទឹក។ ខ្លួនប្រាណអ្នកអាច កំចាត់ចោលនូវអ្វី ដែលវានឹងមិនត្រូវការប្រើប្រាស់ ដូច្នេះហើយទើប បានជាវាមិនសូវមានភាពពុល ជាងវីតាមីន A ដែល វាអាចនឹងកើតមានឡើង ។

ទាំងនេះគឺជា អត្ថប្រយោជន៍នៃការប្រើវីតាមីន A ៖
·         វាត្រូវបានគេ ប្រើសម្រាប់ការព្យាបាលការចំលងរោគស្រួចស្រាវ។
·         ធ្វើអោយការមើលឃើញ នៅក្នុងពេលយប់មានភាពប្រសើរឡើងជាងមុន។
·         ការពាររាងកាយ ពីឥទ្ធិពលរំខាន របស់កោសិកា ដែលមានមកពីសារធាតុគីមីជាច្រើន ដែលមានជាតិពុល។ ការសិក្សាស្រាវជ្រាវ បានបង្ហាញថា បេតាការ៉ូតែន គឺមានសកម្មភាពប្រឆាំងប្រតិកម្មអុកស៊ីតបានយ៉ាង ខ្លាំងក្លា និង វាអាចជួយការពារអ្នក ពីការវិវត្តន៍មាននូវជំងឺមហារីកមួយចំនួន ជាពិសេសនោះ គឺជំងឺ មហារីកសួត និង ជំងឺមហារីកស្បែក។

ប្រសិនបើអ្នកធ្វើការជក់បារី ឬ មានការប្រឈមទៅនឹងពន្លឺព្រះអាទិត្យ វីតាមីនA ឬ បេការ៉ូតែន គឺជាសារធាតុ បន្ថែមដ៏ល្អប្រសើរបំផុត ក្នុងការបញ្ចូលទៅក្នុងកម្មវិធី នៃការទទួលនូវសារធាតុបន្ថែមជាប្រចាំថ្ងៃរបស់អ្នក។

វីតាមីន A ត្រូវបានគេឃើញមានជាលក្ខណៈធម្មជាតិ នៅក្នុងផ្លែក្រូច និង ផ្លែឈើ និង បន្លែដែលមានពណ៌ លឿង មានដូចជា ស្ពីណាច ក៏ដូចជា បេតាការ៉ូតែន ដែលមាននៅក្នុង ខ្លាញ់សត្វ ដូចជា ស្នូលពណ៌លឿងរបស់ ស៊ុត ដែលនោះគឺពិតជា ប្រភពពិតនៃវីតាមីន A។ វាក៏ត្រូវបានគេហៅម្យ៉ាងទៀតផងដែរថា រ៉េទីណុល (retinol) ដោយសារតែអត្ថប្រយោជន៍ ដ៏មានប្រសិទ្ធភាពរបស់វាចំពោះការមើលឃើញ។
ការទទួលទាននូវសារជាតិវីតាមីន A ជាប្រចាំថ្ងៃត្រូវបានគេណែនាំ អោយនៅចន្លោះពី ៣០០០ ទៅ ១០.០០០ IU គឺវាអាស្រ័យទៅលើ អាយុ និង ស្ថានភាពសុខភាពរបស់អ្នក ខណៈពេលដែលការទទួលទាននូវ បេការ៉ូតែន ក្នុងកម្រិតសុវត្ថិភាពនោះគឺ ពី ១០.០០០ ទៅ ៥០.០០០ IU ។

កង្វះសារជាតិវីតាមីន A នឹងផ្តល់ផលអាក្រក់ដល់ សុខភាពស្បែក, មុខងាររបស់ប្រព័ន្ធភាពសុំា និង ចក្ខុវិស័យ។ ឥទ្ធិពលនូវការពុលនៃ វីតាមីន A នឹងកើតមាននៅពេលដែលអ្នកបានលេបវា ក្នុងបរិមាណច្រើន ជ្រុលក្នុងរយៈកាលកំណត់ណាមួយ។ រីឯផលរំខានរបស់ បេតាការ៉ូតែន គឺមានតែការធ្វើអោយស្បែករបស់អ្នក មានពណ៌លឿង ឬ ពណ៌ទឹកក្រូចតែប៉ុណ្ណោះ ៕

អានលម្អិត

វីតាមីន B3 :អ្វីដែលអ្នកត្រូវដឹងដើម្បីសុខភាព

Friday, December 14, 2012 វីតាមីន, ឳសថ

Niacin គឺជាវីតាមីន B3 មួយប្រភេទ។វាគឺជាប្រភេទវីតាមីនដែលរលាយក្នុងទឹក ហើយវាមិនត្រូវបានរក្សាទុកនៅក្នុងខ្លួនមនុស្ស ទេ។ កាកសំណងរបស់វីតាមីននេះនឹងចេញពីក្នុងខ្លួនតាមរយៈទឹកនោម។ នេះមានន័យថា អ្នកត្រូវតែមានការផ្គត់ផ្គងលើវីតាមីននេះតាមរយៈរបបអាហាររបស់អ្នកជាប់រហូត។
មុខងារ ៖

វីតាមីន B3 ជំនួយដល់ប្រព័ន្ធរំលាយអាហារ ស្បែក និងសរសៃប្រសាទអោយមានមុខងារល្អ។ មិន ត្រឹមតែប៉ុណ្ណោះវាក៏មានសារៈសំខាន់សម្រាប់បំឡែងអាហារដែលទទួលទានរួចទៅជាថាមពល ដែរ។

អាហារសម្បូរវីតាមីនB3

វីតាមីន B3 ត្រូវបានរកឃើញនៅក្នុងអាហារដូចជា៖

    ផលិតផលធ្វើពីទឹកដោះគោ
    ស៊ុត
    នំបុ័ង និងគ្រាប់ធុញ្ញជាតិកែច្នៃ
    ត្រី
    សាច់សុទ្ធ
    សណ្តែកគ្រាម
    គ្រាប់ផ្លែឈើ
    សាច់បក្សី

វីតាមីន B3 និងជំងឺបេះដូង-សរសៃឈាម

ដោយស្ថិតនៅក្រោមការត្រួតពិនិត្យរបស់អ្នកផ្តល់សេវាថែទាំសុខភាពម្នាក់ អ្នកអាចទទួលទានវី តាមីន B3 ពី ១ ទៅ៣ក្រាមក្នុងមួយថ្ងៃដើម្បីព្យាបាលបញ្ហាកម្រិតជាតិខ្លាញ់កូឡេស្ទើរ៉ុល HDL (ខ្លាញ់ល្អ) ចុះទាប និងខ្លាញ់កូឡេស្តេរ៉ុល LDL (ខ្លាញ់អាក្រក់) ព្រមទាំខ្លាញ់ Triglyceride ឡើងខ្ពស់។ នៅពេលធ្លាប់វាសម្រាប់ព្យាបាលបញ្ហាខ្លាញ់ក្នុងឈាម វីតាមីន B3 តែងតែបែងចែកពេល វេលាប្រើប្រាស់ជាបី ឬបួនពេលក្នុងមួយថ្ងៃ។ វីតាមីន B3 ប្រភេទ Nicotinamide មិនមានឥទ្ធិពលលើ ជាតិខ្លាញ់ក្នុងឈាមឡើយ។

ផលរំខាន

ការដែលកង្វះវីតាមីន B3 ក្នុងខ្លួននឹងបង្កជាជំងឺ Pellagra ដែលរោគសញ្ញារបស់វាមានដូចជា៖

·         មានបញ្ហាលើការរំលាយអាហារ

·         រលាកស្បែក

·         មានបញ្ហាលើផ្លូវចិត្ត

ការដែលមានចំនួនវីតាមីន B3 ច្រើនពេកអាចបង្កអោយទៅជា៖

    បង្កើននូវបរិមាណជាតិស្ករក្នុងឈាម
    ខូចថ្លើម
    ដំបៅក្រពះ
    កន្ទួលលើស្បែក

ទោះបីជាកម្រិតនៃវីតាមីន B3 ធម្មតាក៏អាចធ្វើអោយមានបញ្ហាក្រហមស្បែកដែរ។ ប៉ុន្តែទម្រង់វីតាមីន B3 ទម្រង់ថ្មីបានកាត់បន្ថយនូវផលរំខាននេះហើយ។ វីតាមីន B3 ប្រភេទ Nicotinamide មិនបង្កជាផលរំខានទាំងនេះទេ។

ការណែនាំ

តម្លៃធម្មតាលើការទទួលទានរបបអាហារសម្រាប់វីតាមីន B3

ទារក

    ០-៦ខែ៖ ២មីលីក្រាមក្នុងមួយថ្ងៃ (2mg/day)
    ៧-១២ខែ៖ ៤មីលីក្រាមក្នុងមួយថ្ងៃ (4mg/day)

ការទទួលទានដែលគ្រាប់គ្រាន់

កូនក្មេង

    ១-៣ឆ្នាំ៖ ៦មីលីក្រាមក្នុងមួយថ្ងៃ
    ៤-៨ឆ្នាំ៖ ៨មីលីក្រាមក្នុងមួយថ្ងៃ
    ៩-១២ឆ្នាំ៖ ១២មីលីក្រាមក្នុងមួយថ្ងៃ

មនុស្សវ័យជំទង់

    បុរសអាយុចាប់ពី ១៤ឆ្នាំឡើងទៅ៖ ១៦មីលីក្រាមក្នុងមួយថ្ងៃ
    ស្ត្រីអាយុចាប់ពី ១៤ឆ្នាំឡើងទៅ៖ ១៤មីលីក្រាមក្នុងមួយថ្ងៃ

តម្លៃនៃការណែនាំជាពិសេសអាស្រ័យទៅលើអាយុ ភេទ និងកត្តាផ្សេង (ដូចជាការមានផ្ទៃពោះ)។ ស្ត្រីដែលមានផ្ទៃពោះ ឬកំពុងបំបៅដោះកូនត្រូវការចំនួនច្រើនជាងនេះ។ ចូរសុំយោបលពីអ្នកផ្តល់ សេវាថែទាំសុខភាពរបស់អ្នកអំពីចំនួនដែលល្អបំផុតសម្រាប់អ្នក។
មធ្យោបាយដ៏ល្អបំផុតដើម្បីទទួលបានវីតាមីនសំខាន់ៗតាមតម្រូវការប្រចាំថ្ងៃគឺត្រូវទទួលអាហារ អោយមានតុល្យភាពដែលផ្ទុកទៅដោយអាហារច្រើនប្រភេទ៕

អានលម្អិត

វីតាមីនE:ប្រើច្រើនហួសអាចនាំអោយហូរឈាមក្នុងខួរក្បាលធ្ងន់ធ្ងរ

Friday, December 14, 2012 វីតាមីន, ឳសថ

វីតាមីនE គឺជាវីតាមីនដែលរលាយក្នុងខ្លាញ់។

ឈ្មោះដទៃទៀតៈ អាល់ហ្វា-តូកូហ្វេរ៉ុល និង ហ្គាម៉ា-តូកូហ្វេរ៉ុល

មុខងារ ៖

វីតាមីនE គឺជាអង់ទីអុកស៊ីដង់ ដែលការពារជាលិការាងកាយ ពីការបំផ្លាញដែលបង្កដោយ សារធាតុហៅថា រ៉ាឌីកាល់សេរី។ រ៉ាឌីកាល់សេរីអាចបំផ្លាញកោសិកា ជាលិកា និងសរីរាង្គ ផ្សេងៗបាន។ រាឌីកាល់នេះត្រូវាបានគេជឿថាចូលរួមក្នុងស្ថានភាពមួយចំនួនដែលទាក់នឹង ភាពចាស់។

រាងកាយ ត្រូវការវីតាមីនE ដើម្បីជួយរក្សាប្រពន្ធ័ភាពស៊ាំ អោយរឹងមាំប្រឆាំង នឹងវីរុស និង បាក់តេរី។

វីតាមីនEក៏ចូលរួមយ៉ាងសំខាន់ផងដែរ ក្នុងការបង្កើតកោសិកាឈាមក្រហម និង ជួយអោយ រាងកាយប្រើប្រាស់វីតាមីនK។ វីតាមីននេះក៏ជួយ ពង្រីកសសៃឈាម និងរក្សាឈាមពីការកក

ស្ទះនៅក្នុងសសៃឈាម

កោសិកាប្រើប្រាស់ វីតាមីនE ដើម្បីទាក់ទងគ្នាទៅវិញទៅមក និងអនុវត្តនូវមុខងារសំខាន់ៗ ជា ច្រើន។

ថាតើវីតាមីនE អាចការពារ មហារីក ជំងឺបេះដូង ជំងឺបាត់បង់ការចងចាំ ជំងឺថ្លើម និងជំងឺដាច់ សសៃឈាមខួរក្បាល រឺក៏អត់ គឺមិនទាន់ត្រូវគេដឹងនៅឡើយទេ។

ប្រភពអាហារ

វិធីល្អបំផុតដើម្បីទទួលបានវីតាមីនEបានគ្រប់គ្រាន់ជាប្រចាំ គឺតាមរយៈការញ៉ាំប្រភពអាហារ នានា។ វីតាមីនEគឺត្រូវបានរកឃើញ នៅក្នុងអាហារដូចខាងក្រោម៖

·        ប្រេងបន្លែ(ដូចជា ពពួកស្រូវសាឡី ផ្កាឈូករត្ន័ ពោត និងប្រេងសណ្តែក)

·        ពពួកសណ្តែកដី(ដូចជា អាល់ម៉ុន សណ្តែកដី ហេសេលណាត់ និង ហ្វីលប៊ឺត)។

·        គ្រាប់ផ្លែឈើ (ដូចជាគ្រាប់ផ្កាឈូករត្ន័ជាដើម)

·        បន្លែដែលមានស្លឹកពណ៌បៃតង (ដូចជាស្ពៃ និង ស្ពៃក្តោបបៃតង)

·        អាហារពេលព្រឹកគ្រាប់ធញ្ញជាតិដែលមានសារធាតុចិញ្ចឹម ទឹកផ្លែឈើ ប៊័រផ្សំពីបន្លែ និង

ខ្លាញ់សត្វនិងគ្រឿងលាបនំបុ័ង។

ផលវិបាក

ការញ៉ាំវីតាមីនEដែលមាន ក្នុងអាហារ គឺមិនបង្កឲ្យមានគ្រោះថ្នាក់ រឺក៏ផលប៉ះពាល់អ្វីទេ។ បើ ប្រើជាសារធាតុបន្ថែមវិញ វីតាមីនEដូសខ្ពស់ អាចប្រឈមមុខនឹង ការហូរឈាមខួរក្បាលធ្ងន់ ធ្ងរ។

ដំបូន្មាន

ប្រពន្ធ័គណនាសារធាតុចិញ្ចឹម (RDA) សំរាប់វីតាមីន បង្ហាញពីចំនួនវីតាមីន ដែលមនុស្សភាគ ច្រើនត្រូវការជាប្រចាំថ្ងៃ។

·         RDA សំរាប់វីតាមីន ត្រូវបានប្រើប្រាស់ជាគោលដៅកំណត់ សំរាប់មនុស្ស ម្នាក់ៗ។

·         ចំនួនវីតាមីន ដែលអ្នកត្រូការគឺផ្អែកលើអាយុ និងភេទរបស់អ្នក។

·         កត្តាផ្សេងៗទៀតដូចជា ការមានផ្ទៃពោះ ការបំបៅដោះកូននិង ជំងឺក៏ជាកត្តា សំខាន់ ដែរ ក្នុងការបង្កើននូវចំនួនវីតាមីន ដែលអ្នកត្រូវការ។

ចំនួន វីតាមីនEដែលសមស្របគឺ៖

ទារក(ចំនួនសមល្មមនៃវីតាមីនE)

·         ០ - ៦៤ខែ= ៤ មីលីក្រាម/ថ

·         ៧ - ១២ខែ= ៥ មីលីក្រាម/ថ

កុមារ

·         ១ - ៣ឆ្នាំ=៦មីលីក្រាម/ថ

·         ៤ - ៨ឆ្នាំ= ៧មីលីក្រាម/ថ

·         ៩ - ១៣ឆ្នាំ= ១១មីលីក្រាម/ថ

ក្មេងជំទង់ និងមនុស្សពេញវ័យ

·         ១៤ឆ្នាំ រឺលើស= ១៥មីលីក្រាម/ថ

សាកសួរអ្នកផ្តល់ការថែទាំសុខភាពថាចំនួនប៉ុណ្ណាដែលសក្កិសមនឹងអ្នក។

កំរិតខ្ពស់បំផុតនៃវីតាមីនEបន្ថែម ដែលមានសុវត្ថិភាពសំរាប់មនុស្សពេញវ័យគឺ ១៥០០IU/ថ ក្នុង ទំរង់ធម្មជាតិនៃវីតាមីនE និង ១០០០IU/ថក្នុងទំរង់ដែលបង្កើតដោយមនុស្ស៕

អានលម្អិត

វីតាមីន Dមានទំនាក់ទំនងនឹងពុកឆ្អឹង

Friday, December 14, 2012 វីតាមីន

វីតាមីនD គឺជាវីតាមីនD រលាយក្នុងខ្លាញ់។ វីតាមីនដែលរលាយក្នុងខ្លាញ់ គឺផ្ទុកនៅក្នុងជាលិកាខ្លាញ់។

ឈ្មោះដទៃទៀតៈ កូឡេកាល់ស៊ីហ្វេរ៉ុល; វីតាមីនD3; អឺហ្គូកាល់ស៊ីហ្វេរ៉ុល; វីតាមីនD2

មុខងារ ៖

វីតាមីនD ជួយរាងកាយឲ្យស្រូបយកកាល់ស្យូម ដែលកាល់ស្យូម និងផូស្វាតជាសារធាតុខនិជ ដែលមានសារសំខាន់សំរាប់បង្កើតឆ្អឹងធម្មតា។

ក្នុងវ័យកុមារភាព រាងកាយត្រូវការសារធាតុខនិជទាំងនេះ ដើម្បីផលិតឆ្អឹង។ ប្រសិនបើអ្នកមិន បានទទួលយក កាល់ស្យូមគ្រប់គ្រាន់ទេ រឺ ប្រសិនបើរាងកាយរបស់ អ្នកមិនបានស្រូបយកវា ឲ្យបានគ្រប់គ្រាន់ពីរបបអាហារទេ ការផលិតឆ្អឹង និងជាលិការបស់ឆ្អឹង នឹងមានផលប៉ះពាល់។

ការធ្លាក់ចុះចំនួន វីតាមីនD អាចធ្វើឲ្យ មានជម្ងឺពុកឆ្អឹង នៅលើមនុស្សពេញវ័យ និង ជម្ងឺឆ្អឹងទន់

នៅលើកុមារ។

ប្រភពអាហារ

រាងកាយផលិត វីតាមីនD នៅពេលដែលស្បែកប៉ះ នឹងកំដៅថ្ងៃដោយផ្ទាល់។ ហេតុនេះហើយ ជាញឹកញាប់ គេហៅវីតាមីននេះថាជា “វីតាមីនពន្លឺព្រះអាទិត្យ”។ មនុស្សជាច្រើនអាចបំពេញ វីតាមីនD ក្នុងខ្លួនគេបានតាមវិធីនេះ។

មានអាហារតិចណាស់ ដែលផ្ទុកនូវវីតាមីននេះពីធម្មជាតិ។ ប៉ុនែ្តមានអាហារជាច្រើនដែលបាន ត្រូវបានគេដាក់បញ្ចូលវីតាមីនD។

វីតាមីនDត្រូវបានរកឃើញនៅក្នុងអាហារដូចជា៖

·        ផលិតផលធ្វើពីទឹកដោះគោ: ឈីស ប័រ ក្រែម ទឹកដោះគោជីវជាតិ ទឹកដោះនៅអាមេរិក (ភាគច្រើនគឺមានដាក់វីតាមីនD )

·        ខ្លាញ់ត្រី (ត្រីធូណា សាល់ម៉ុន និង ម៉ាការែល)

·        អយស្ទើរ

·        អាហារពេលព្រឹកគ្រាប់ធញ្ញជាតិដែលមានជីវជាតិ ប៊័រធ្វើបន្លែនិង ខ្លាញ់សត្វ និងទឹក សណ្តែក

វាមានការពិបាកណាស់ ក្នុងការទទួលបានវីតាមីនD គ្រប់គ្រាន់ពីប្រភពរបបអាហារតែមួយ មុខ។ ជាលទ្ធផល អ្នកខ្លះត្រូវប្រើប្រាស់ នូវវីតាមីនDបន្ថែម។ វីតាមីនD ដែលប្រើជា សារធាតុបន្ថែម និង មានក្នុងអាហារ ស្ថិតក្រោមទំរង់ពីគឺ៖

     D2(អឺហ្គូកាល់ស៊ីហ្វេរ៉ុល)
    D3 (កូឡេកាល់ស៊ីហ្វេរ៉ុល)

ផលវិបាក

ការប្រើប្រាស់វីតាមីនDច្រើនពេក អាចធ្វើអោយពោះវៀនស្រូបយក កាល់ស្យូមច្រើនលើស លុប។ នេះអាចបង្កអោយមាន កំរិតខ្ពស់នៃកាល់ស្យូមនៅក្នុងឈាម។ កាល់ស្យូមនៅក្នុង ឈាមខ្ពស់អាចធ្វើអោយ៖

·         កាល់ស្យូមស្តុកនៅជាលិកាដែលទន់ៗ ដូចជាបេះដូង និងសួត

·         ភាន់ភាំង និងវង្វេងស្មារតី

·         ប៉ះពាល់តម្រងនោម

·         ក្រួសក្នុងតម្រងនោម

·         ចង្អោរ ក្ងួត ទល់លាមក ញ៉ាំមិនសូវបាន ខ្សោយ និងស្រកទំងន់

ដំបូន្មាន

ការទទួលកំដៅថ្ងៃ ពី១០ ទៅ ១៥នាទី ៣ដងក្នុងមួយអាទិត្យ គឺគ្រប់គ្រាន់សំរាប់តំរូវការ វីតាមីនDរបស់រាងកាយ។ ពន្លឺព្រះអាទិត្យ ត្រូវការចាំងលើ ស្បែកមុខ ដៃ ខ្នង រឺក៏ជើងរបស់

អ្នក(ដោយគ្មានក្រែមការពារកំដៅថ្ងៃ)។ ពីព្រោះតែការប៉ះពាល់នឹងពន្លឺព្រះអាទិត្យអាចប្រឈម មុខនឹងជម្ងឺមហារីកស្បែក អ្នកគួរតែប្រើក្រែមការពារកំដៅថ្ងៃ បន្ទាប់ពីប៉ះពាល់ពន្លឺ២ រឺ៣នាទី។

អ្នកដែលមិនរស់នៅកន្លែងដែលមានពន្លឺព្រះអាទិត្យ មិនអាចបង្កើតវីតាមីនD បានគ្រប់គ្រាន់ ទេ។ ស្បែកដែល ប៉ះនឹងពន្លឺព្រះអាទិត្យនៅក្នុងផ្ទះ តាមរយៈបង្អួច នឹងមិនផលិតវីតាមីនD ឡើយ ។ ថ្ងៃដែលមេឃរាងងងឹត មានម្លប់ និងស្បែកសំបុរខ្មៅ ក៏កាត់បន្ថយនូវបរិមាណនៃ វីតាមីនD ដែលស្បែកយើង ផលិតដែរ។

ប្រពន្ធ័គណនាសារធាតុចិញ្ចឹម (RDA) សំរាប់វីតាមីន បង្ហាញពីចំនួនវីតាមីន ដែលមនុស្សភាគ ច្រើនត្រូវការជាប្រចាំថ្ងៃ។

·         ប្រពន្ធ័ RDAនេះអាចប្រើប្រាស់ជាគោលដៅកំណត់សំរាប់មនុស្សម្នាក់ៗបាន

·         ចំនួនវីតាមីន ដែលអ្នកត្រូវការគឺផ្អែកលើអាយុ និងភេទរបស់អ្នក។ កត្តាផ្សេងៗ ទៀតដូចជា ការមានផ្ទៃពោះនិង ជំងឺក៏ជាកត្តាសំខាន់ដែរ។

ទារក(ចំនួនវីតាមីនDដែលសមស្រប)

·         ០ - ៦ ខែ= ៤០០IU(១០មីក្រូក្រាម/ថ)

·         ៧ - ១២= ៤០០IU(៥មីក្រូក្រាម/ថ)

កុមារ

·         ១ - ៣ឆ្នាំ =៦០០IU(១៥មីក្រូក្រាម/ថ)

·         ៤ - ៨ឆ្នាំ= ៦០០IU(១៥មីក្រូក្រាម/ថ)

ក្មេងធំៗ និងមនុស្សពេញវ័យ

·         ៩ - ៧០ឆ្នាំ= ៦០០IU(១៥មីក្រូក្រាម/ថ)

·         មនុស្សអាយុច្រើនជាង៧០ឆ្នាំ= ៨០០IU(២០មីក្រូក្រាម/ថ)

·         ស្ត្រីមានផ្ទៃពោះ និង កំពុងបំបៅដោះកូន=៦០០IU(១៥មីក្រូក្រាម/ថ)

ជាទូទៅ មនុស្សដែមមានអាយុលើសពី ៥០ឆ្នាំ ត្រូវការចំនួន វីតាមីនDច្រើនជាងមនុស្សវ័យ ក្មេង។ សាកសួរអ្នកផ្តល់សេវាសុខភាពថាចំនួនប៉ុន្មាន ដែលសក្កិសមនឹងអ្នក។

ការពុលវីតាមីនD គឺតែងតែកើតឡើងស្ទើរតែគ្រប់ពេល ដែលមានការប្រើប្រាស់វីតាមីននេះ ច្រើនពេក។

កំរិតមានសុវត្ថិភាពខ្ពស់បំផុត ក្នុងការប្រើប្រាស់វីតាមីនDគឺ៖

·         ១០០០ ទៅ ១៥០០IU/ ថ សំរាប់ទារក

·         ២៥០០ ទៅ ៣០០០IU /ថ សំរាប់កុមារដែលមានអាយុ ចាប់ពី១៨ឆ

·         ៤០០០IU/ថ សំរាប់កុមារដែលមានអាយុ៩ឆ្នាំ រឺក៏ច្រើនជាងនេះ មនុស្សពេញវ័យ ស្ត្រី និងស្ត្រីជំទង់ ដែលមានផ្ទៃពោះ និងកំពុងបំបោះដោះកូន។

១មីកូក្រាម នៃកូឡេកាល់ស៊ីហ្វេរ៉ុល(D3) គឺស្មើនឺង ៤០IU នៃវីតាមីនD ៕

អានលម្អិត

វីតាមីន B5មានផលអ្វីខ្លះសម្រាប់អ្នក?

Friday, December 14, 2012 វីតាមីន

Biotin និង Pantothenic Acid សុទ្ធតែជាប្រភេទវីតាមីន B ទាំងអស់ ឬហៅម្យ៉ាងទៀតថា វីតាមីន B5 ។ នេះជាវីតាមីនដែលរលាយនៅក្នុងទឹក មានន័យថាខ្លួនរបស់យើងមិនអាចរក្សាវាទុកបានទេ។ ប្រសិនបើរាង្គកាយមិនអាចប្រើវីតាមីននេះអស់ទេ កាកសំណល់របស់វានឹងត្រូវបញ្ចេញចោលទៅតាមទឹកនោម។ ដូច្នេះ វីតាមីនទាំងនេះត្រូវតែជំនួសឡើងវិញជារៀងរាល់ថ្ងៃ។
មុខងារ

Pantothenic Acid និង Biotin សុទ្ធតែមានសារៈសំខាន់សម្រាប់ការលូតលាស់។ វាជួយអោយរាង្គ កាយបំបែក និងប្រើប្រាស់អាហារមកជាថាមពល (Metabolism)។

Pantothenic Acid ក៏មាននាទីមួយក្នុងការផលិតអ័រម៉ូន និងកូឡេស្ទើរ៉ុលដែរ។

ប្រភពអាហារ

Biotin ត្រូវបានរកឃើញនៅក្នុងអាហារដែលជាធនធានដ៏ល្អរបស់វីតាមីន B ដូចជា៖

    គ្រាប់ធុញ្ញជាតិ
    សូកូឡា
    ស៊ុតលឿង (ផ្នែកពណ៌របស់សុត)
    បន្លែមានគ្រាប់
    សាច់សរីរាង្គ (ថ្លើម តម្រងនោម)
    សាច់ជ្រូក
    ផ្សិត

Pantothenic Acid ត្រូវបានរកឃើញនៅក្នុងអាហារដែលជាធនធានដ៏ល្អរបស់វីតាមីន B ក្នុងនោះមានដូចជា៖

    ផ្លែប័រ
    ផ្កាខាតណាពណ៌បៃតង និងបន្លែផ្សេងៗទៀតដែលស្ថិតនៅក្នុងក្រុមស្ពៃក្តោប។
    ស៊ុត
    សណ្តែកគ្រាម
    ទឹកដោះគោ
    ផ្សិត
    សាច់សរីរាង្គ
    សាច់បក្សី
    ដំឡូងស និងផ្អែម
    អង្ករសម្រូប

ផលរំខាន

ចំពោះការកង្វះ Pantothenic Acid ឬ Biotin គឺមិនទាន់ដឹងនៅឡើយទេ។

ចំពោះចំនួនដ៏ច្រើននៃ Pantothenic Acid វិញមិនបង្កជារោគសញ្ញាអ្វីទេ តែអាចជាការរាគរុសខ្លះដែរ។ ចំពោះ Biotin មិនមានបញ្ហាថាមានការពុលនោះទេ។

បរិមាណធម្មតាលើការទទួលទានរបបអាហារសម្រាប់ Pantothenic Acid៖

    ០-៦ខែ៖ ១,៧មីលីក្រាមក្នុងមួយថ្ងៃ (1,7mg/day)
    ៧-១២ខែ៖ ១,៨មីលីក្រាមក្នុងមួយថ្ងៃ (1,8mg/day)
    ១-៣ឆ្នាំ៖ ២មីលីក្រាមក្នុងមួយថ្ងៃ (2mg/day)
    ៤-៨ឆ្នាំ៖ ៣មីលីក្រាមក្នុងមួយថ្ងៃ (3mg/day)
    ៩-១៣ឆ្នាំ៖ ៤មីលីក្រាមក្នុងមួយថ្ងៃ (4mg/day)
    ១៤ឆ្នាំឡើងទៅ៖ ៥មីលីក្រាមក្នុងមួយថ្ងៃ (5mg/day)

ការទទួលទានដែលគ្រប់គ្រាន់

Biotin៖

    ០-៦ខែ៖ ៥មីក្រូក្រាមក្នុងមួយថ្ងៃ (5mcg/day)
    ៧-១២ខែ៖ ៦មីក្រូក្រាមក្នុងមួយថ្ងៃ (6mcg/day)
    ១-៣ឆ្នាំ៖ ៨មីក្រូក្រាមក្នុងមួយថ្ងៃ (8mcg/day)
    ៤-៨ឆ្នាំ៖ ១២មីក្រូក្រាមក្នុងមួយថ្ងៃ (12mcg/day)
    ៩-១៣ឆ្នាំ៖ ២០មីក្រូក្រាមក្នុងមួយថ្ងៃ (20mcg/day)
    ១៤-១៨ឆ្នាំ៖ ២៥មីក្រូក្រាមក្នុងមួយថ្ងៃ (25mcg/day)

១៩ឆ្នាំឡើងទៅ៖ ៣០មីក្រូក្រាមក្នុងមួយថ្ងៃ (30mcg/day

ការទទួលទានដែលគ្រប់គ្រាន់

តម្លៃនៃការណែនាំជាពិសេសអាស្រ័យទៅលើអាយុ ភេទ និងកត្តាផ្សេង (ដូចជាការមានផ្ទៃពោះ)។ ស្ត្រីដែលមានផ្ទៃពោះ ឬកំពុងបំបៅដោះកូនត្រូវការចំនួនច្រើនជាងនេះ។ ចូរសុំយោបលពីអ្នកផ្តល់ សេវាថែទាំសុខភាពរបស់អ្នកអំពីចំនួនដែលល្អបំផុតសម្រាប់អ្នក។

មធ្យោបាយដ៏ល្អបំផុតដើម្បីទទួលបានវីតាមីនសំខាន់ៗតាមតម្រូវការប្រចាំថ្ងៃគឺត្រូវទទួលអាហារ អោយមានតុល្យភាពដែលផ្ទុកទៅដោយអាហារច្រើនប្រភេទ៕

អានលម្អិត

សុខភាពថ្ងៃនេះ

Saturday, January 12, 2013

ប្រេងត្រីចំពោះមនុស្សចាស់

Friday, December 14, 2012

វីតាមីន B9: អ្វីដែលស្ត្រីគួរយកចិត្តទុកដាក់់សម្រាប់ផ្ទៃពោះ

វីតាមីន B12 និងការទាក់ទងសុខភាព

ផលរំខាន នៃការប្រើប្រាស់ថ្នាំគ្រាប់ ម៉ុលទីវីតាមីន (Multivitamin )

វីតាមីន c: ការខ្វះខាតបណ្តាលអោយមានបញ្ហាអ្វី?

តើខ្លួនប្រាណរបស់អ្នក ធ្វើការប្រើប្រាស់វីតាមីន A យ៉ាងដូចម្តេចខ្លះ?

វីតាមីន B3 :អ្វីដែលអ្នកត្រូវដឹងដើម្បីសុខភាព

វីតាមីនE:ប្រើច្រើនហួសអាចនាំអោយហូរឈាមក្នុងខួរក្បាលធ្ងន់ធ្ងរ

វីតាមីន Dមានទំនាក់ទំនងនឹងពុកឆ្អឹង

វីតាមីន B5មានផលអ្វីខ្លះសម្រាប់អ្នក?

អត្ថបទអានច្រើនបំផុត

ក្រុមអត្ថបទ

ចំណាត់ក្រុមអត្ថបទ

អត្ថបទតាមខែ

ភ្ញៀវចូលទស្សនា

មន្ទីរពេទ្យគន្ធបុបា្ផ

Saturday, January 12, 2013

Friday, December 14, 2012

ទំនាក់ទំនងយើងខ្ញុំតាម

អត្ថបទអានច្រើនបំផុត

ក្រុមអត្ថបទ

ចំណាត់ក្រុមអត្ថបទ

អត្ថបទតាមខែ

ភ្ញៀវចូលទស្សនា

មន្ទីរពេទ្យគន្ធបុបា្ផ