ក្រុមអ្នកវិទ្យាសាស្ត្រ នៃមជ្ឈមណ្ឌលស្រាវជ្រាវ អាឡែកហ្ស៊ី
និងអង្គបដិបក្ខ Riken ប្រទេសជប៉ុន
បានរកឃើញនិងបង្កើតបាននូវកោសិកាប្រឆាំងនឹងមេរោគមហារីក
នៅក្នុងបន្ទប់ពិសោធន៍ហើយ ។
តាមការសិក្សានោះ បណ្តាកោសិកាទាំងនេះនឹងត្រូវបានចាក់ចូលទៅក្នុងអ្នកជំងឺមហារីក ហើយវារំញោចដល់អង្គបដិបក្ខរបស់សរីរាង្គធ្វើការស្វែងរកបណ្តាដុំពក រួចកម្ចាត់វាចោល ។
របកគំហើញលោតផ្លោះមួយនេះ រំពឹងថា នឹងបង្កជាបុព្វបទសម្រាប់វិធីសាស្ត្រព្យាបាលមហារីកដោយពុំចាំបាច់ វះកាត់ ឬព្យាបាលដោយគីមី ។
បណ្ឌិត Kananoto សមាជិកម្នាក់នៃក្រុមស្រាវជ្រាវបានឲ្យដឹងថា បណ្តាកោសិកាប្រឆាំងមហារីកនេះអាចត្រូវបានចាក់បញ្ចូលផ្ទាល់ទៅលើ អ្នកជំងឺមហារីក ដើម្បីព្យាបាលរោគនេះឲ្យបានសះស្បើយក្នុងអនាគតដ៏ខ្លីខាងមុខនេះ ៕
(ប្រភព៖http://www.ksn-news.com)
