តាមអត្ថបទដែលចុះផ្សាយលើទស្សនាវដ្តីវេជ្ជសាស្ត្រ Sciene Translation
Medecine ថ្ងៃទី៣/១/២០១៣នេះ របស់លោក Felipe Garcia
ប្រធានក្រុមស្រាវជ្រាវនៃសាកលវិទ្យាល័យ Barcelona (អេស្បាញ)ឲ្យដឹងថា
ពួកគេបានផលិតប្រភេទវ៉ាក់សាំងមួយ
ដែលអាចបង្អាក់ជាបណ្តោះអាសន្ននូវការរីកចម្រើនរបស់ Virus HIV ។
បើតាមលោកនោះប្រព័ន្ធការពារសរីរាង្គរបស់មនុស្ស ពុំអាចកម្ចាត់វីរុស
HIV បានដោយខ្លួនឯងទេ ។
ចំណែកកោសិកាអង្គបដិបក្ខដែលស្រាវជ្រាវផលិតបាននោះ គឺវានឹង
"ណែនាំ"ឲ្យប្រព័ន្ធការពារសរីរាង្គ ដឹងពីរបៀបកម្ចាត់ HIV ។
នៅ អាហ្វ្រិកខាងត្បូងអ្នកជំងឺ HIV ទទួលថ្នាំ ប៉ុន្តែការស្រាវជ្រាវនេះ ពុំទាន់អាចព្យាបាលដាច់ជំងឺនេះទេ តែវាជួយកាត់បន្ថយវីរុស HIV ៣៦នាក់ហើយ ។ បន្ទាប់ពីការចាក់វ៉ាក់សាំងទាំងនេះ ១២សប្តាហ៍មកបរិមាណវីរុសនៅក្នុងសរីរាង្គរបស់អ្នកជំងឺចាប់ផ្តើម ថយចុះ ។ មានអ្នកជំងឺ១២/៣៦នាក់ ដែលវីរុសនេះថយចុះដល់ទៅ៩០%ឯណោះ ។
ប៉ុន្តែ២៤សប្តាហ៍ក្រោយមក ប្រសិទ្ធិភាពរបស់វ៉ាក់សាំងនេះចាប់ផ្តើមធ្លាក់ចុះ ។ តាមការស្រាវជ្រាវនោះ វ៉ាក់សាំងនេះនឹងអស់ប្រសិទ្ធិភាពក្នុងរយៈពេល១ឆ្នាំ ដល់ពេលនោះអ្នកជំងឺត្រូវវិលត្រឡប់ទៅកាន់វិធីសាស្ត្រ ART(Anti- Retroviral Therapy) ចាស់ដែលជាការប្រើប្រាស់គួបផ្សំឱសថប្រឆាំងវីរុសវិញ ។
ដូច្នេះ វ៉ាក់សាំងនេះអាចជួយឲ្យអ្នកជំងឺផ្អាកការប្រើប្រាស់ថ្នាំបានរយៈពេល១ ឆ្នាំ ដែលវាកាត់បន្ថយការចំណាយផលវិបាកបន្ទាប់បន្សំរបស់ឱសថទាំងនោះ ៕
(ប្រភព៖ខ្មែរស្ថាបនា)
