ស្ត្រី គួរ​ទៅ​ពិនិត្យ​មហារីក​មាត់​ស្បូន មុន​អាយុ​៣០ ឆ្នាំ

ជា​ទូទៅ ស្ត្រី​តែង​តែ​ទៅ​ពិនិត្យ​មហារីក​មាត់ស្បូន អំឡុង​អាយុ​៣០ ឆ្នាំ​ឡើង​ទៅ ប៉ុន្តែ ក្នុង​ព្រឹត្តិ​បត្រ Family Planning and Reproductive Health Care បាន​ដាស់​តឿន​ថា ការ​ពិនិត្យ​ក្នុង​អំឡុង​ពេល​នោះ អាចយឺតពេល​បន្តិច ព្រោះ​ការ​ស្រាវ​ជ្រាវ​ដែល​ធ្វើ​ដោយ​ក្រុម​អ្នក​ជំនាញ មក​ពីមជ្ឈមណ្ឌលGuy's and St. Thomas NHS Trust ក្នុង​ទីក្រុង​ឡុងដ៍ នា​ឆ្នាំ​២០០៤ រក​ឃើញ​​ថា
ស្ត្រីវ័យ​២០-២៤ឆ្នាំ កើតមហារីក ដំណាក់កាល CIN 3 ដែលជារយៈពេលប្រឈមខ្លាំងបំផុត ដល់ទៅ១៩,៣% ដែល​តួលេខនេះ ច្រើន​ជាង ស្ថិតិក្នុងឆ្នាំ​១៩៩៩ ដែលមានតែ ១៥,៨% ថែម​ទាំងកើនឡើង​ជា​បន្ត​បន្ទាប់ រាល់​ឆ្នាំ​ទៀត​ផង។
រីឯអ្នកជំនាញផ្នែកជំងឺមហារីកមាត់ស្បូន បានឱ្យដឹងថា ស្ត្រីដែល មានជំងឺមហារីកមាត់ស្បូន ១០% មានអាយុប្រមាណ៣០ឆ្នាំ ឬក្រោម នោះផងដែរ។ លទ្ធផលការសិក្សានេះ ចង់ប្រាប់​ឱ្យស្ត្រីទាំងឡាយ គួរទៅពិនិត្យ មហារីកមាត់ស្បូន យ៉ាងតិច ១ឆ្នាំម្តង ហើយកុំគិតថា ចាំ​រៀប​ការ ឬមាន កូនរួច ចាំទៅពិនិត្យ ព្រោះវាអាចយឺតពេលបាន៕

(ប្រភព៖អង្គរធំមេឌា)