លោក ចូ កូហេន អ្នកបង្កើតវ៉ាក់សាំង និងអ្នកស្រាវជ្រាវថ្នាំ Glaxosmith Kline មានការជឿជាក់ និង សង្ឃឹមថានៅក្នុងរយៈពេលពី ៣ ទៅ ៥ ឆ្នាំពីឥឡូវនេះយើងនិងអាចប្រើវាក់សាំងនេះបាន ។ កុមាររហូតដល់ ១៦០០០នាក់ដែលមានអាយុពី ៦សប្តាហ៍ទៅ ១៧ ខែ នៅប្រទេសអាហ្វ្រិកចំនួន ៧ មាន ប៊ីគីណា ហ្វាណាកេនយ៉ា ម៉ាឡាវី ម៉ូហ្សំប៊ិច និង តង់ហ្សានី នឹងទទួលបាន វ៉ាក់សាំងនេះ។ លោក កូហេន បានឱ្យដឹងថា នេះជាព្រឹត្តការណ៍ដ៍អស្ចារ្យនៅក្នុងការប្រយុទ្ធប្រឆាំងជំងឺគ្រុនចាញ់ និង ការបញ្ចប់ការសា្រវជ្រាវជាងពីរទស្សវត្សរ៍រួមទាំងការសាកល្បងព្យាបាល រយៈពេល១០ ឆ្នាំ នៅតំបន់អាហ្វ្រិក។
ជំងឺគ្រុនចាញ់ជាជំងឺកាចសាហាវជាទីបំផុត ជំងឺនេះវាបានសម្លាប់មនុស្សប្រហែល ៩០០០០០រៀងរាល់ឆ្នាំ ដែលភាគច្រើនជាកុមារដែលមានអាយុក្រោម ៥ ឆ្នាំនៅអនុតំបន់សហារ៉ាអាហ្រ្វិក ។
ការធ្វើតេស្តតំណាក់កាលទី ៣ នេះ តាមដានសុវត្ថិភាព និង គុណវិបត្តិនៃការប្រើប្រាស់ថ្នាំ ដែលអាចនិងវាយតម្លៃពីប្រសិទ្ធភាពលើទ្រង់ទ្រាយធំ។
លទ្ធផលនៃការសាកល្បងក្នុងតំណាក់កាលទី ២ ដែលត្រូវបានប្រកាសកាលពីឆ្នាំមុន បានបង្ហាញពីប្រសិទ្ធភាព ៥៣%ប្រឆាំងនឹងជំងឺគ្រុនចាញ់លើកុមារ ។ អង្គការដែលមានគំនិតផ្តួចផ្តើមជំងឺគ្រុនចាញ់បាននិយាយថា ប្រសិនបើជោគជ័យតំណាក់កាលទី ៣ និងអាជ្ញាប័ណ្ណរបស់វ៉ាក់សាំងនេះនឹងធ្វើឱ្យវាក្លាយជា វ៉ាក់សាំងជំងឺគ្រុនចាញ់តំបូងដែលមានប្រសិទ្ធិភាព៥០%ប្រឆាំងនឹងជំងឺរ ធ្ងន់ធ្ងរនឹងការស្លាប់ ហើយមានប្រសិទ្ធភាពជាមួយថ្នាំ។
សំខាន់បំផុតវ៉ាក់សាំងនេះ គឺមានបំណងប្រើសម្រាប់ទារក និង កុមារដែលមានអាយុក្រោម ៥ ឆ្នាំ ដែលងាយរងគ្រោះបំផុតដោយសារជំងឺគ្រុនចាញ់។
កាលពីឆ្នាំ ២០០៦ សហគមន៍អន្តរជាតិបានកំណត់គោលដៅរយៈពេលយូរដើម្បីផលិតវ៉ាក់សាំង ជំងឹគ្រុនចាញ់នៅឆ្នាំ ២០២៥ ដែលយ៉ាងហោចណាស់មានប្រសិទ្ធិភាព ៨០%ប្រឆាំងនឹងប្រភេទជំងឺដែលមិនសូវធ្ងន់ធ្ងរ និង មានប្រសិទ្ធភាពយូរជាង៤ ឆ្នាំ ។ ក្រុមអ្នកឯកទេសបានធ្វើការប្រកាសអំពីការសាកល្បងវ៉ាក់សាំងអំឡុងសនិ្នសីទ លើកទី៥ នៅក្នុងរដ្ឋធានីណៃរ៉ូប៊ីប្រទេសកេនញ៉ាដែលមានឈ្មោះថា Multilateral In Ti active on Malia ។ ចំពោះវ៉ាក់សាំងផេ្សងៗទៀតក៍កំពុងដំណើរការសាកល្បងផងដែរ ប៉ុន្តែមិនទាន់ឈានដល់ដំណាក់កាលជឿនលឿនទី៣ នៅឡើយ។
