ទស្សនាវដ្តី "Prevention"
របស់អាមេរិកបានចង្អុលបង្ហាញផ្នែកកខ្វក់បំផុត៤លើសរីរាង្គមនុស្ស ។
ប្រសិនបើមិនយកចិត្តទុកដាក់អនាម័យដាច់ខាតនឹងងាយកើតជំងឺ ។
-ស្បែកក្បាល
១មីលីម៉ែត្រការ៉េ
ស្បែកក្បាលមានប្រមាណ១លានអតិសុខុមប្រាណ
ក្នុងនោះច្រើនបំផុតគឺនៅគល់សក់ ។
វាចូលចិត្តរស់នៅក្នុងស្រទាប់កោសិកាខាងក្រៅរបស់ស្បែកក្បាល
សន្សឹមៗរួមបញ្ចូលមកវិញ
កកើតជាមហាគ្រួសារដ៏ធំសម្បើម១រួមគ្នាស្រូបក្រពេញរំអិលលើ
ស្បែកក្បាល ។ ចុងក្រោយក្បាលអ្នកនឹងកាន់តែជ្រុះសក់ច្រើនជាង ។
ចង់ដោះស្រាយវា ក្រៅពីការកក់សក់រាល់ព្រឹក គឺប្រើក្រាសសិតសក់
អាចរំញោចស្បែកក្បាលជួយស្បែកក្បាលស្រឡះត្រជាក់ជាង ។
-មាត់
មាត់ជាកន្លែងបញ្ចូលអាហារទៅក្នុង
សរីរាង្គ តែអ្នកមានដឹងទេថា
១មីលីម៉ែត្រការ៉េក្នុងមាត់សុទ្ធតែមានជាង១០០លានអតិសុខុមប្រាណ
ក្នុងមានទាំងបាក់តេរីល្អ និងអតិសុខុមប្រាណអាក្រក់ ។
នេះជាជនល្មើសបង្កឲ្យស្អុយមាត់ ។ វារស់នៅក្នុងប្រឡោះធ្មេញ
និងលើផ្ទៃអណ្តាត ។ ពេលបំបែកអាហារ និងគេងនឹងបង្កើតជាសារជាតិ Sulfur
បង្កក្លិនពិបាកទ្រាំ ។ អាស្រ័យហេតុនេះចូរអនាម័យធ្មេញស្អាតបាត
ដុសធ្មេញរៀងរាល់យប់
មុនពេលដុសត្រូវយកឈើចាក់ធ្មេញសំអាតជាមុនបន្ទាប់មកទើបដុសធ្មេញ
និងចាំត្រូវដុសទាំងផ្ទៃអណ្តាត ព្រោះបាក់តេរីបន្សល់លើគល់អណ្តាត
ក៏ធ្វើឲ្យមាត់អ្នក "ជះក្លិន" ។
-ក្លៀក
នៅទីសាធារណៈដូចជារថយន្តក្រុង
ឬរថភ្លើងអគ្គិសនី តិចបំផុតម្តងអ្នក៏ធុំក្លិនពិបាកទ្រាំ
វាចេញមកពីក្លៀក ក្លិនពិបាកទ្រាំនេះ
បានបង្កភាពកខ្វក់បរិស្ថានជុំវិញ ។
១មីលីម៉ែត្រការ៉េក្រោមក្លៀកប្លុកប្រមាណ១-១០ ពាន់លានបាក់តេរី ។
ញើសពុំមែនមានក្លិនដោយខ្លួនឯងឡើយ តែបង្កឡើងដោយពពួក
"ភ្ញៀវមិនអញ្ជើញ" នៅក្រោមក្លៀកនេះ ។
ដើម្បីកុំឲ្យខ្មាស់អៀនពេលមានក្លិនខ្លួនចូរអនាម័យឲ្យបានស្អាត
ជាប្រចាំ និងជ្រើសរើសសម្លៀកបំពាក់ឲ្យបានល្អ ។
-ផ្លូវពោះវៀន
មានជាង៤០០ប្រភេទផ្សិតផ្សេងៗគ្នា
ស្នាក់អាស្រ័យក្នុងផ្លូវពោះវៀន ។ ក្នុងនោះបាក់តេរី Escherichia coli
ក្នុងផ្លូវពោះវៀនជាភ្ញៀវល្អមួយក្នុងសរីរាង្គ
វាជួយសរីរាង្គរំលាយអាហារល្អ
ហើយក៏ជាផ្នែកបង្ការការពារផ្លូវពោះវៀន ។
ប៉ុន្តែក្រៅពីបាក់តេរីនេះចេញនៅមានពពួកបាក់តេរីបង្កជំងឺ
ប្រសិនវាជាប់នៅក្នុងអាហារអាចបង្កការចង់ក្អួត ក្អួតរាករូស ។ ចង់ការពារផ្លូវពោះវៀន ចូរទទួលទានទឹកដោះគោជូរ១-២កែវក្នុង១ថ្ងៃ បាក់តេរីផ្សិតក្នុងទឹកដោះគោជូរអាចរារាំងបាក់តេរីគ្រោះថ្នាក់ក្នុង ផ្លូវពោះវៀន ។ ក្រៅពីនេះអ្នកក៏គួរហាត់ពត់រាងកាយដើម្បី ប្រឆាំងភាពចំណាស់ផ្លូវពោះវៀន ៕
(ប្រភព៖ខ្មែរហ្សូម)
