អ្នកស្រាវជ្រាវមកពីសាកលវិទ្យាល័យជាតិអូស្ត្រាលី
កំពុងតែសាទរនឹងលទ្ធផលនៃការស្រាវមួយដែលគេបានរកឃើញវិធីថ្មី
មួយក្នុងការសម្លាប់មេរោគជំងឺគ្រុនចាញ់។
អ្នកវិទ្យាសាស្ត្របានរកឃើញជាដំបូងថា មេរោគជំងឺគ្រុនចាញ់ធ្វើការបញ្ចេញចោលពីក្នុងខ្លួនរបស់វានូវ សារជាតិអំបិលតាមរយៈអ្វីដែលគេហៅថាស្នប់។ ដោយពិនិត្យឃើញដូច្នេះ អ្នកវិទ្យាសាស្ត្រក៏បានផលិតនូវថ្នាំថ្មីដើម្បីទប់បរិមាណ អំបិលនៅក្នុងខ្លួនមេរោគកុំឲ្យវាបញ្ចេញចោល ជាហេតុធ្វើឲ្យមេរោគនេះងាប់។
លោកសាស្ត្រាចារ្យ Kiaran (keer-uhn) Kirk បានមានប្រសាសន៍ដោយសង្ឃឹមថាវិធីសាស្រ្តថ្មីនេះ នឹងអាចយកជ័យជម្នះលើភាពស៊ាំនឹងឱសថព្យាបាលគ្រុនចាញ់៕
(ប្រភព៖វិទ្យុអូស្ត្រាលី)
