ផ្លែឈើនៅប្រទេសខ្មែរយើងមានច្រើនប្រភេទដែលពោរពេញទៅដោយរសជាតិផ្អែមឆ្ងាញ់ពិសារ ហើយមានប្រភេទផ្លែឈើខ្លះអាចយកមកធ្វើជាថ្នាំសង្កូវដើម្បីជួយទ្រទ្រង់សុខភាពយ៉ាងមានប្រសិទ្ធិភាព ។ ផ្លែទៀបមានឈ្មោះជាភាសាបារាំងPomme Canelle ឈ្មោះជាភាសាអង់គ្លេស Custard Apple ជារុក្ខជាតិហូបផ្លៃមួយប្រភេទដែលងាយស្រួលដាំ រុក្ខជាតិប្រភេទនេះមានដុះនៅគ្រប់ទីកនែ្លងនៃព្រះរាជាណាចក្រកម្ពុជា។ ដើមទៀបអាចប្រើប្រាស់វាជាឱសថសម្រាប់ព្យាបាលជំងឺបាន ដែលអាចប្រើទាំងស្លឹក និង ផ្លែ ស្លឹកទៀបស្រស់បុកលាយជាមួយស្រាសអាចព្យាបាលស្រ្តីឆ្លងទន្លេមានជំងឺទាស់ ស្លឹកស្រស់បុកសម្រាប់បិតលើដំបៅ ឬ រលាកសន្លាក់ និង កក់សក់បំបាត់អង្គែ ។ ផ្លែខ្ចីស្ងួតដុសលាយទឹកឱ្យទៅជាភក់ៗបំពោកលើកន្លែងហើម ហើយលក្ខណៈពិសេសមួយទៀតគឺផ្លែទុំគឺជាថ្នាំប៉ូវក្នុងការបង្កើនទឹកកាម ។ ចំពោះអ្នកជួបបញ្ហាក្នុងការខ្វះទឹកកាមគួរសាកល្បងមើលតើមានប្រសិទ្ធភាពកំរិតណាដែរ?? ព្រោះវាមិនត្រូវការចំណាយប្រាក់ច្រើនដូចការដែលយើងទិញឱសថដែលមានតម្លៃថ្លៃនោះទេ។
