អ្នកស្រាវជ្រាវដែលមកពីសាកលវិទ្យាល័យ Ulster ក្នុងប្រទេសអៀឡង់ខាងជើងបានធ្វើការស្ទង់មតិទៅលើនិស្សិតចំនួន៣៥០នាក់។ និស្សិតបានឆ្លើយសំណួរអំពីកម្រិតនៃការប្រើប្រាស់គេហទំព័រ និងការធ្វើលំហាត់ប្រាណ។
ដោយយោងតាមការស្រាវជ្រាវនោះបានអោយដឹងថា និស្សិតភាគច្រើនបានប្រើប្រាស់គេហទំព័រនានាជាមធ្យមគឺមួយម៉ោងក្នុងមួយថ្ងៃ។ ប្រហែលជាពាក់កណ្តាលនៃក្រុមនិស្សិត ទាំងនោះបានបង្ហាញថាខ្លួនបាន ធ្វើលំហាត់ប្រាណក្នុងកម្រិតមធ្យម, ១/៣នៃអ្នកចូលរួមបាននិយាយថា ពួកគេធ្វើលំហាត់ប្រាណបានខ្លាំង ហើយប្រហែល១២,៧%បានប្រាប់ថា ពួកគេបានធ្វើលំហាត់ប្រាណបានតិចបំផុត។ ចំពោះនិស្សិតដែលត្រូវបានទាក់ទងទៅនឹងការស្រាវជ្រាវ, ២៥%បាននិយាយថា ពួកគេបានចូលរួមក្នុងក្រុមកីឡា។
បន្ទាប់ពីពិនិត្យលើព័ត៌មានដែលប្រមូលបាន, អ្នកស្រាវជ្រាវបានរកឃើញថា ពួកនិស្សិតបានចំណាយពេលទៅលើការប្រើគេហទំព័រច្រើនដោយបានរាប់បញ្ចូលពេលដែលពួកគេត្រូវចំណាយលើការធ្វើលំហាត់ប្រាណ។ ការស្រាវជ្រាវក៏បានរកឃើញថា អ្នកដែលចូលចិត្តប្រើប្រាស់គេហទំព័រ Facebook ហាក់ដូចជាមិនសូវលេងកីឡានោះទេ។
ពេលវេលាគឺមានព្រំដែន ដូចនេះពេលវេលាដែលបានចំណាយទៅលើការប្រើគេហទំព័រ ត្រូវបានគ្រប់ដណ្តប់ទៅលើការធ្វើសកម្មភាពដទៃទៀតទៅវិញ។ វេជ្ជបណ្ឌិត វេនឌី ខូស៊ីន (Wendy Cousins) ជាគ្រូពេទ្យឯកទេសខាងជំងឺចិត្តសាស្ត្រនៅឯសាកលវិទ្យាល័យ Ulster បាននិយាយថា ការស្រាវជ្រាវរបស់យើងបានបង្ហាញថា ការធ្វើលំហាត់ប្រាណអាចជាសកម្មភាពមួយនៃសកម្មភាពទាំងនោះ។
គាត់បានបន្ថែមថា ការស្រាវជ្រាវរបស់យើងគឺជាការស្រាវជ្រាវមួយដែលគួរអោយចាប់អារម្មណ៍ ប៉ុន្តែយើងមិនបានចង្អុលបង្ហាញជារួមថា បណ្តាញគេហទំព័របណ្តាលអោយថយចុះកម្រិតនៃការធ្វើលំហាត់ប្រាណ ឬសកម្មភាពនានានោះទេ។ យើងត្រូវការការស្រាវជ្រាវបន្ថែមទៀតដើម្បីតាមដាន ថាតើការប្រើប្រាស់គេហទំព័រ Facebook ងាយនឹងធ្វើអោយមនុស្សធាត់ជាងការប្រើប្រាស់គេហទំព័រ Twitter ឬយ៉ាងណា៕
