ការស្រាវជ្រាវនឹងមិននាំអោយមានភាពប្រសើរឡើងចំពោះការព្យាបាលនៅក្នុងជំងឺនេះនោះទេ។ វេជ្ជបណ្ឌិត នីក អរ (Nick Orr) ជាអ្នកដឹកនាំក្រុមនៅឯវិទ្យាស្ថានស្រាវជ្រាវជំងឺមហារីកក្នុងទីក្រុងឡុងបាននិយាយថា ដោយការស្រាវជ្រាវបន្ថែមទៅលើហ្សែននៃជំងឺមហារីកសុដន់ចំពោះបុរស, យើងអាចយល់ដឹងបន្ថែមអំពីជីវសាស្ត្រនៃជំងឺនេះ ហើយជាលទ្ធផល, វានឹងផ្តល់ការយល់ដឹងបន្ថែមថាតើភាពល្អបំផុតនៃការព្យាបាលជំងឺមហារីកសុដន់ចំពោះបុរសយ៉ាងដូចម្តេច។ យើងសង្ឃឹមថា ការស្រាវជ្រាវនេះក៏នឹងជួយពួកយើងដើម្បីសិក្សាបន្ថែមអំពីថាតើជំងឺនេះមានសកម្មភាពយ៉ាងណាចំពោះស្ត្រីផងដែរ។
ជំងឺមហារីកសុដន់ចំពោះបុរសគឺមានប្រហែល១០០ដងតិចជាងជំងឺមហារីកសុដន់ចំពោះស្ត្រី។ នេះដោយយោងតាម American Cancer Society។ ស្ថាប័ននេះបានប៉ាន់ស្មានថា ឆ្នាំនេះជំងឺមហារីកសុដន់នឹងត្រូវបានគេធ្វើរោគវិនិច្ឆ័យឃើញលើបុរសប្រហែល២.១៩០នាក់នៅក្នុងសហរដ្ឋអាមេរិក ហើយនឹងសម្លាប់បុរសប្រហែល៤១០នាក់។
ការព្យាករណ៍ចំពោះបុរសដែលមានជំងឺមហារីកសុដន់គឺស្រដៀងគ្នាទៅនឹងជំងឺមហារីកសុដន់ចំពោះស្ត្រី។ ការស្រាវជ្រាវបានបង្ហាញថា ឆ្នាំមុនបានរកឃើញថា បុរសត្រូវបានគេធ្វើរោគវិនិច្ឆ័យឃើញថាមានជំងឺនេះចាស់ជាងស្ត្រី។ ពោលគឺបុរសអាយុ៧០ឆ្នាំ និងស្ត្រី៦២ឆ្នាំ។
អរបានពន្យល់ថា យើងបានបង្កើការស្រាវជ្រាវជាច្រើនអំពីមូលហេតុនៃជំងឺមហារីកសុដន់ចំពោះស្ត្រីលើគូរស្នេហ៍ជាច្រើន។ ប៉ុន្តែយើងដឹងតិចតួចបំផុតអំពីមូលហេតុនៃជំងឺនេះចំពោះបុរស។
ចំពោះការស្រាវជ្រាវថ្មី, អ្នកស្រាវជ្រាវបានពិនិត្យ DNA លើបុរស៨២៣នាក់ដែលមានជំងឺមហារីកសុដន់ និងបុរស២.៧៩៥នាក់ផ្សេងទៀតដែលមិនមានជំងឺនេះ។ បន្ទាប់មកពីពួកគេបានកំណត់លទ្ធផលរបស់ពួកគេដោយមើលលើហ្សែននៃបុរស៤៣៨នាក់ដែលមានជំងឺ និង៤៧៤នាក់នៃបុរសដែលមិនមានជំងឺ។
អរបាននិយាយថា ក្រុមរបស់គាត់បានរកឃើញថា ហ្សែនដែលត្រូវបានគេស្គាល់ថា RAD 51B ត្រូវបានរកឃើញថា២០%នៃបុរសដែលមានជំងឺមហារីកសុដន់ ប៉ុន្តែមានតែ១៥%ប៉ុណ្ណោះលើបុរសដែលមិនមានជំងឺនេះ។ ហ្សែននេះក៏ត្រូវបានផ្សារភ្ជាប់ទៅនឹងជំងឺមហារីកសុដន់ចំពោះស្ត្រីផងដែរ។
ការស្រាវជ្រាវក៏បានបន្ថែមទៅលើការស្រាវជ្រាវពីមុនដែលបានផ្សារភ្ជាប់មុយតាស្យុងចំពោះហ្សែនដែលត្រូវបានស្គាល់ថា BRCA2 ទៅនឹងអត្រាខ្ពស់នៃជំងឺមហារីកសុដន់ចំពោះបុរស។ មុយតាស្យុងចំពោះហ្សែនជម្រុញហានិភ័យខ្ពស់នៃជំងឺមហារីកសុដន់ចំពោះស្ត្រី៕
