ពិសារស៊ុតឆ្អិន ឬស៊ុតឆៅមួយណាប្រសើរជាង?

ស៊ុតមាន់ ឬស៊ុតទាជាអាហារដែលមានសារៈសំខាន់សំរាប់មនុស្សគ្រប់រូប ដែលអាចជួយអោយ មានរាងកាយមាំមួន មានកំលាំង ខួរក្បាលល្អ ការចងចាំក៏ល្អផងដែរ។ ស៊ុតក្រហម៖ ជាប្រភពជីវ ជាតិអាហារដ៏កំពូល ព្រោះប្រមូលផ្តុំ​​ដោយវីតាមីន A, D, E , ស៊ុលហ្វូរ(Sulphur) ប៉ូតាស្យូម កាល់ស្យូម ម៉ាញ៉េស្យូម និងជីវជាតិដែក។ ដោយសារគុណ​ប្រយោជន៍ទាំងនេះហើយ ទើបអ្នកឯកទេសចំនី អាហារតែងតែយកស៊ុតជាស្តង់ដារ​ក្នុងការត្រួតពិនិត្យ​ប្រូតេអ៊ីន​អាហារផ្សេងៗ។ ស៊ុតស៖ ក្នុងស៊ុត សមានអាស៊ីត​អាមីណូ ដែលសំខាន់សំរាប់រាង​កាយគ្រប់ប្រភេទ។ 

ក្នុង១ថ្ងៃរាងកាយត្រូវការកូលេស្តេរ៉ូលពីអាហារមិនលើសពី៣០០ម.ក្រ ប៉ុន្តែស៊ុតមានកូលេស្តេរ៉ូលពី​១៤៦-២៣២ម.ក្រ ដែលចាត់ទុកថាខ្ពស់។អ្នកជំនាញផ្នែកអាហារបានកំណត់ថា ទារកអាយុ ៥ខែ ឡើងទៅរហូតដល់វ័យជំទង់ និងវ័យ​ធ្វើការ អាចទទួលទានស៊ុតបានរាល់ថ្ងៃ ក្នុង១ថ្ងៃ ១គ្រាប់។ ចំណែកមនុស្សវ័យចាស់ ឬមនុស្សដែលមានខ្លាញ់ក្នុងឈាម​ខ្ពស់ បរិភោគស៊ុតបាន១សប្តាហ៍ ៣ គ្រាប់។ ប៉ុន្តែក្នុងការពិសាស៊ុតគួរ​ចំអិនអោយឆ្អិនជាជាងការពិសារឆៅ។ មនុស្សខ្លះ និយមពិសារ ស៊ុតឆៅព្រោះជឿថា​អាចបំប៉នរាងកាយបានល្អជាង ប៉ុន្តែតាមពិតនេះជាជំនឿដែលមិនត្រឹមត្រូវ។ នៅក្នុងស៊ុត​ឆៅ មានប្រូតេអ៊ីន អាវីឌីនដែលនឹងទៅរាំងខ្ទប់មិនអោយស្រួបយកវីតាមីនបណ្តាល អោយត្រូវបាត់បង់​ប្រយោជន៍​ល្អៗពីស៊ុត និងអាហារផ្សេងៗដែលពិសាចូលទៅ។ ប៉ុន្តែបើសិនយក ទៅធ្វើអោយឆ្អិនជាមុន​​ប្រូតេអ៊ីន អាវីឌីននឹង​ត្រូវអស់ប្រសិទ្ធិភាព។ ក្រៅពីនេះក្នុង ស៊ុតឆៅមាន មេរោគលាយឡំជាមួយ ពេលពិសាទៅមេ​រោគមាន​ឪកាស​វាយលុកចូលរាងកាយបាន។ ជាពិសេស ថ្មីៗនេះមេរោគផ្តាសាយបក្សីជា​មេរោគដ៏​សាហាវដែល​មាននៅក្នុងបក្សី បើពិសាស៊ុត ដែលមានមេ រោគនេះ ដោយមិន​ចំអិនអោយបានឆ្អិនល្អ នោះវានឹង​ឆ្លងមកដល់អ្នកទទួលទានមិនខាន។ ដូច្នេះ ពិសាស៊ុតឆ្អិនប្រសើរជាងស៊ុតឆៅ៕