យោងតាមអ្នកជំនាញការជ្រើសរើសអាហារបានត្រឹមត្រូវនឹងជួយធ្វើឲ្យ ការគិតរបស់អ្នកល្អជាមុនមួយកម្រិតទៀត។ តើអាហារប្រភេទណាដែលជួយដល់ខួរក្បាលទៅ?
១.ផ្លែប៊ែរី៖ ផ្លែប៊ែរីជាផ្លែឈើម្យ៉ាងដែលជំរុញដល់ខួរក្បាលឲ្យប្រសើរ។ រ៉ាហ្សប៊ែរី និងប្ល៊ូរប៊ែរីមានផ្ទុកនូវសារធាតុអាន់ថូស៊ីយ៉ានីន (anthocyanin) ដែលជួយការពារសរសៃប្រសាទខួរក្បាលដែលធ្វើឲ្យការចងចាំបានយូរ។ យោងតាមការសិក្សារបស់ចក្រភពអង់គ្លេសបានរកឃើញថាការញ៉ាំប្ល៊ូរប៊ែ រីមួយកែវក្នុងមួយថ្ងៃនឹងជួយឲ្យការគិតបានប្រសើររយៈពេលបីបួនខែ ។
២.ផ្លែប៉ោម៖ ការញ៉ាំផ្លែប៉ោមមួយផ្លែក្នុងមួយថ្ងៃជួយការពារខួរក្បាលពីសារ ជាតិគីមីនានាដែលមានក្នុងផលិតផលដែលអ្នកញ៉ាំរាល់ថ្ងៃបានព្រោះ ក្នុងសំបកផ្លែប៉ោម មានសារជាតិម្យ៉ាងឈ្មោះថា Catechins។ ផ្លែប៉ោមត្រូវលាងឲ្យស្អាត និងញ៉ាំទាំងសម្បកតែត្រូវជ្រើសផ្លែប៉ោមដែលលូតលាស់ដោយមិនប្រើ ជីគីមី។
៣.សូកូឡាខ្មៅ៖ សារធាតុ Flavonol ក្នុងសូកូឡាខ្មៅជួយសម្រួលដល់ចរន្តឈាមរត់បានស្រួលទៅកាន់ខួរក្បាល ។ មិនតែប៉ុណ្ណោះវាអាចជួយដល់ការគណនាគណិតវិទ្យាទៀតផង។
៤.គ្រាប់ល្ពៅ៖ គ្រាប់ល្ពៅពោរពេញដោយសារជាតិ tryptophan ដែលមានតួនាទីយ៉ាងសំខាន់ក្នុងការបង្កើត serotonin សម្រាប់ជំនួយដល់ការគ្រប់គ្រងអារម្មណ៍ និងសុខភាពខួរក្បាល។
៥.ស៊ុត៖ ស៊ុតមានផ្ទុកទៅដោយសារជាតិ Omega-3 fatty acids ដែលជួយបំប៉នដល់ខួរក្បាល ប៉ុន្តែមិនមែនមានន័យថាគ្រប់ស៊ុតមាន់ទាំងអស់មានសារជាតិបំប៉ន ស្មើគ្នានោះទេ។ ស៊ុតមាន់ដែលធំធាត់ដោយធម្មជាតិ (មាន់ស្រែ) មានសារជាតិ Omega-3 fatty acid ច្រើនជាងមាន់ចិញ្ចឹមក្នុងកសិដ្ឋាន២ដង។
អាហារដែលបានរៀបរាប់ខាងលើសុទ្ធតែអាចរកបានក្នុងទីផ្សារក្បែរ ផ្ទះរបស់មិត្តអ្នកអានហើយបើសិនជាចង់ឲ្យសុខភាពខួរក្បាលរបស់អ្នក ល្អនោះត្រូវឧស្សាហ៍ញ៉ាំអាហារទាំងនេះតែត្រូវញ៉ាំប្រកបដោយ តុល្យភាពណា៕
