Paraphimosis គឺជាបញ្ហាដ៏ធ្ងន់ធ្ងរមួយដែលអាចកើតឡើងបានទៅលើតែមនុស្សប្រុស និងក្មេងប្រុសដែលមិនបានកាត់ចុង ។ Paraphimosis មានន័យថា ស្បែកដែលគ្របពីលើក្បាលលិង្គទាញមកក្រោយ និងបណ្តាលអោយស្បែកដែលគ្របក្បាលលិង្គនោះរឹតលើករបស់លិង្គជាប់ ហើយមិនអាចទាញមកធម្មតាវិញទេ ។
តើមូលហេតុអ្វីដែលធ្វើអោយមាន Paraphimosis?
ពេលខ្លះអ្នកដែលមិនបានកាត់ចុងចេញទេ អាចធ្វើអោយស្បែកសំរាប់គ្របក្បាលលិង្គពន្លាត់ចេញក្នុងពេលរួមភេទបាន ឬក៏ពេលដែលពួកគេទៅបន្ទប់ទឹកដើម្បីលាងសំអាត ។ គ្រូពេទ្យ ប្រហែលជាអាចទាញស្បែកគ្របក្បាលលិង្គនោះចេញបាន នៅពេលដែលពួកគេធ្វើការពិនិត្យទៅលើលិង្គ ឬដាក់សុងទឹកនោមរួច ។
ពេលខ្លះគ្រូពេទ្យ ឬខ្លួនអ្នកផ្ទាល់ប្រហែលជាអាចភ្លេចទាញស្បែកនោះអោយមកសភាពធម្មតាវិញដែរ ។ ប្រសិនបើស្បែកនោះនៅរឹតកក្បាលលិង្គយូរពេក លិង្គរបស់អ្នកប្រហែលជាត្រូវឡើងហើមខ្លាំង ។
តើខ្ញុំត្រូវធ្វើដូចម្តេចទើបចៀសវាងនូវបញ្ហា Paraphimosis នេះបាន?
• ក្រោយពេលរួមភេទហើយ ត្រូវទៅបន្ទប់ទឹកដើម្បីលាងសំអាត ហើយត្រូវប្រាកដថាអ្នកបានទាញស្បែកសំរាប់គ្របក្បាលលិង្គមកសភាពធម្មតាវិញហើយ
• មិនត្រូវទុកអោយស្បែកគ្របក្បាលលិង្គនោះនៅរឹតកក្បាលលិង្គយូរនោះទេ
• ប្រសិនបើការដាក់សុងទឹកនោម ត្រូវតែពិនិត្យមើលអោយច្បាស់ថាស្បែគ្របក្បាលលិង្គវិលមកលើក្បាលលិង្គវិញហើយឬនៅ ។
តើមានរឿងអ្វីកើតឡើងប្រសិនបើខ្ញុំមាន Paraphimosis?
Paraphimosis ជាធម្មតាវាធ្វើអោយឈឺចាប់ទៅលើលិង្គរបស់អ្នក ប៉ុន្តែមិនរហូតនោះទេ ។ អ្នកប្រហែលជាអាចមានជំងឺឆ្លងទៅលើលិង្គរបស់អ្នកទៀតផង ។ អ្នកប្រហែលជាមិនអាចទៅបត់ជើងនៅក្នុងបន្ទប់ទឹកបានរហូតដែរ ។ ប្រសិនបើអ្នកមិនអាចទាញស្បែកគ្របក្បាលលិង្គមកនៅលើក្បាលលិង្គវិញទេ អ្នកត្រូវតែទូរស័ព្ទទៅគ្រូពេទ្យជាបន្ទាន់ ។
ជំរើសដំបូងគ្រូពេទ្យនឹងធ្វើការព្យាបាលនូវការហើមរបស់ក្បាលលិង្គរបស់អ្នក ។ ការធ្វើបែបនេះអាចធ្វើឡើងតាមរយៈការសង្កត់លិង្គរបស់អ្នកជាមួយនឹងដៃ ឬធ្វើយ៉ាងណាបន្ធូរការរឹតរបស់កលិង្គចេញដើម្បីអោយស្បែកនោះមកនៅលើក្បាលលិង្គវិញបាន ។ ប្រសិនបើស្បែកនោះនៅតែជាប់ដដែល គ្រូពេទ្យប្រហែលជាត្រូវធ្វើការកាត់ស្បែកនោះបន្តិចដើម្បីបន្ទូរស្បែកនោះចេញ៕
