ការបង្រួមរន្ធញើស ដោយប្រើផ្លែប៉េងប៉ោះ និង ក្រូចឆ្មារ
ធ្វើការលាយចូលគ្នារវាង ទឹកផ្លែប៉េងប៉ោះស្រស់១ស្លាបព្រាបាយ ជាមួយនឹងទឹកក្រូចឆ្មារ ២ទៅ៤តំណក់។ រួច យកដុំសំឡីមកជ្រលក់នឹង ទឹកល្បាយនេះ ហើយយកវាមកម៉ាស្សាថ្នមៗ នៅលើស្បែក ដោយធ្វើចលនាជារង្វង់។ បន្ទាប់មកទុកវា ចោលក្នុងរយៈពេលប្រហែលជា ១៥នាទី។ ក្រោយមកអ្នក ត្រូវលាងសំអាតវាជាមួយនឹង ទឹកស្អាត ដើម្បីទទួលបាននូវ រន្ធញើសនៅលើផ្ទៃមុខរួមតូចជាងមុន និង កាន់តែមានសំណើម។
ធ្វើការព្យាបាលមុន ជាមួយនឹងសាច់ផ្លែប៉េងប៉ោះ
កិនផ្លែប៉េងប៉ោះស្រស់ៗ អោយបានខាប់ៗ រួចបំពោកវា នៅលើមុខរបស់អ្នក។ ទុកវាចោលនៅលើស្បែក អោយបានរយៈពេល ១ម៉ោង ឬ ច្រើនជាងនេះ បន្ទាប់មកលាងវាអោយបានស្អាត និង លាបក្រែមផ្តល់សំណើម។ អ្នកអាចធ្វើដូចនេះ អោយបានជារៀងរាល់ថ្ងៃ ក្នុងរយៈពេលជាច្រើនថ្ងៃ នោះជំងឺមុនរបស់អ្នកប្រាកដ ជាបាត់ទៅវិញ មិនបាន។
លាងសំអាតស្បែករបស់អ្នក ជាមួយនឹងម៉ាសបិតមុខដែលធ្វើពីផ្លែប៉េងប៉ោះ និង ផ្លែបឺរ
ម៉ាសបិតមុខដែលធ្វើពី ផ្លែប៉េងប៉ោះ និង ផ្លែបឺរ គឺពិតជាអស្ចារ្យចំពោះស្បែកគ្រប់ប្រភេទ ( ស្បែកមានជាតិខ្លាញ់, ស្បែកស្ងួត និង ស្បែកធម្មតា) ដោយសារតែវាមានបញ្ចូលនូវ អត្ថប្រយោជន៍នៃការកាត់បន្ថយខ្លាញ់របស់ ផ្លែប៉េងប៉ោះ ជាមួយនឹងជាតិថ្នាំសំលាប់មេរោគ និង ជាតិផ្តល់សំណើម ដែលមាននៅក្នុងផ្លែបឺរ។
ម៉ាសបិតមុខដ៏ អស្ចារ្យប្រភេទនេះ ក៏មានផ្ទុកផងដែរនូវ វីតាមីន A, C និង E ដែលពួកវាសុទ្ធតែផ្តល់គុណសម្បត្តិយ៉ាងច្រើន ចំពោះ សុខភាពស្បែក។ ដើម្បីធ្វើនូវម៉ាសបិតមុខប្រភេទនេះ អ្នកអាចកិនផ្លែប៉េងប៉ោះ និង ផ្លែបឺរជាមួយគ្នា នៅក្នុង កូនចានមួយ។ កូរវាអោយបានសព្វល្អ និង លាបវានៅលើមុខរបស់អ្នក។ ធ្វើការលាងវាអោយបានស្អាត បន្ទាប់ពី រយៈពេល ២០ ទៅ ៣០នាទី។
វិធីដ៏លឿន និង ងាយស្រួលក្នុងការប្រើផ្លែប៉េងប៉ោះ នៅលើមុខរបស់អ្នក
កាត់ផ្លែប៉េងប៉ោះជាពីកំណាត់ ហើយយកវាមកជូតនៅលើមុខរបស់អ្នក។ សង្កត់ទៅលើកន្លែងដែលមាន មុន ក្បាលខ្មៅ។ បន្ទាប់មកលាងជំរះវា និង ធ្វើការលាបក្រែមផ្តល់សំណើម។
ប្រើផ្លែប៉េងប៉ោះជា គ្រឿងទប់ស្កាត់ជាតិខ្លាញ់នៅលើផ្ទៃមុខ
ដើម្បីយកចេញនូវជាតិខ្លាញ់ដែលលើស ចេញពីផ្ទៃមុខរបស់អ្នក ធ្វើការច្របាច់ និង ពូតផ្លែប៉េងប៉ោះ រួចយក ទឹកវាទុកដោយឡែក។ បន្ទាប់មកគាបយកទឹកផ្លែត្រសក់ មកលាយជាមួយនឹងទឹកប៉េងប៉ោះ។ ហើយលាបវានៅលើ ស្បែកមុខអ្នក ដោយប្រើដុំសំឡី អោយបានជារៀងរាល់ថ្ងៃ ដើម្បីរក្សាអោយជាតិខ្លាញ់ និង មុនស្ថិតនៅក្រោមការ គ្រប់គ្រងរបស់អ្នក។
ធ្វើអោយស្បែកដែលមានការរំខាន អោយត្រជាក់ជាមួយនឹងម៉ាសបិតមុខដែលធ្វើពី ផ្លែប៉េងប៉ោះ និង ទឹកយ៉ាអួ
ប្រសិនបើស្បែករបស់អ្នក មានសភាពក្រហមរោល, រម៉ាស់,មានការលាកដោយសារកំដៅថ្ងៃ, មានស្នាមជាំ ឬ របក នោះអ្នកនឹងរីករាយជាមួយនឹងអត្ថប្រយោជន៍ នៃម៉ាសបិតមុខដែលធ្វើពីផ្លែប៉េងប៉ោះ និង ទឹកយ៉ាអួនេះ។ ទឹក យ៉ាអួ គឺអាចជំរុញ អោយជាតិប្រូតេអ៊ីនរបស់ស្បែកកើនឡើង និង ធ្វើអោយស្បែកទន់រលោង នៅពេលដែល ផ្លែ ប៉េងប៉ោះផ្តល់អោយអ្នក នូវភាពត្រជាក់ និង ផ្តល់នូវសារជាតិចិញ្ចឹមដល់ស្រទាប់ស្បែកខាងក្រៅ។
ចិតផ្លែប៉េងប៉ោះ ពាក់កណ្តាល និង លាយជាមួយនឹងទឹកយ៉ាអួ ដែលមិនមានជាតិផ្អែមចំនួន ២ស្លាបព្រាបាយ។ កូរវាអោយសព្វល្អ និង លាបវា អោយពេញសព្វ នៅលើផ្ទៃមុខរបស់អ្នក។ អង្គុយចុះ រង់ចាំរយៈពេល ២០នាទី ហើយបន្ទាប់មក ធ្វើការ លាងសំអាតជាមួយនឹង ទឹកក្តៅឧណ្ណៗ ។
ទទួលបាននូវស្បែកភ្លឺចែងចាំងជាមួយនឹង ទឹកផ្លែប៉េងប៉ោះ និង ទឹកឃ្មុំ
ធ្វើការបញ្ចូលគ្នារវាង ទឹកផ្លែប៉េងប៉ោះ និង ទឹកឃ្មុំ ហើយលាបវា នៅលើមុខ និង ក របស់អ្នក។ រង់ចាំរយៈពេល ១៥នាទី បន្ទាប់វាលាងជំរះវាអោយបានស្អាតល្អ ។ នោះស្បែករបស់អ្នក នឹងមើលទៅទន់រលោង និង ភ្លឺថ្លាជាមិន ខាន។
ធ្វើការព្យាបាលស្បែកដែលរលាក ដោយសារកំដៅថ្ងៃ ជាមួយនឹង ទឹកផ្លែប៉េងប៉ោះ និង បឹរទឹកដោះគោ
លាយបញ្ចូលគ្នារវាង ទឹកប៉េងប៉ោះ ២ស្លាបព្រាបាយ ជាមួយនឹង បឺរទឹកដោះគោចំនួន ៤ស្លាបព្រាបាយ។ រួច លាបវា អោយបានពេញសព្វ នៅលើស្បែករបស់អ្នក។ ទុកវាចោលអោយបាន រយៈពេលកន្លះម៉ោង បន្ទាប់មក លាងវាចេញដោយថ្នមៗ ៕
